Galicia - Subvenciones y ayudas públicas

Rueda reúnese coa Federación de Usuarios do Porto de Vigo para buscar novas vías de colaboración

Vigo, 9 de setembro de 2024 O presidente da Xunta, Alfonso Rueda, mantivo hoxe unha reunión con representantes da Federación de Usuarios del Puerto de Vigo, entre os que se atopaba o seu presidente, Enrique Mallón. Nela, o presidente do Goberno galego e os representantes da Federación falaron de proxectos en común entre as dúas institucións, así como de posibles novas vías de colaboración que poidan abrirse nun futuro, e insistiron na ...

A Xunta contrata polo procedemento de emerxencia o transporte sanitario terrestre non urxente da área de Vigo, por 4 M€ e un período de tres meses

• Deste xeito, o Goberno galego garante que o servizo continúe na súa prestación, ata a adxudicación dun novo contrato

A Xunta crea o Comité molecular de tumores no Servizo Galego de Saúde para asesorar no avance da oncoloxía de precisión

• O órgano asesorará o Servizo Galego de Saúde no desenvolvemento da Estratexia de Oncoloxía de Precisión de Galicia e apoiará a toma de decisións clínicas
• O comité estará integrado por profesionais do ámbito sanitario con experiencia en oncoloxía e hematoloxía de precisión
• Entre outras funcións, proporá un catálogo de biomarcadores oncohematolóxicos que indicará que características buscar nos tumores e como actuar en cada un deles
• A secuenciación de nova xeración é unha técnica que permite enfocar o tratamento ao perfil molecular do tumor e non centrarse no órgano ou tecido onde se localiza

Anxo M. Lorenzo salienta a importancia de fomentar a creación lírica en galego no recital 'Poeta Ramiro Fonte'

• O director xeral de Cultura asiste en Pontedeume á celebración desta cita incluída na campaña 'CulturON'
• A proposta rende homenaxe a este escritor da Xeración dos 80 que foi membro correspondente da Real Academia Galega

Rueda destaca o atractivo do Camiño Portugués e a súa variante pola Costa, os cales alcanzan as 125.100 Compostelas recollidas no que vai de ano

• Salienta que a ruta xacobea é "un dos mellores escaparates turísticos de Galicia cara ao mundo" e que é posible seguir medrando "con sentidiño"
• Resalta os máis de 370.000 peregrinos que cada ano camiñan cara Santiago polas diferentes rutas e o incremento dos estranxeiros que xa representan o 60 %
• A Xunta xa traballa na organización do Xacobeo 2027 con 141 M€ para mellorar a rede de albergues, restaurar bens culturais e promover a dixitalización do sector

Rueda anuncia a próxima posta en marcha do Banco de Explotacións e adianta que se habilitará unha nova liña de axudas para favorecer a remuda no agro

• Destaca que a remuda xeracional é "fundamental" para o futuro do rural galego
• O banco de explotacións, que se porá en marcha antes que remate o ano, propiciará o contacto entre titulares de explotacións que cesan ou van cesar a súa actividade e as persoas interesadas en asumir a súa xestión
• A nova orde de axudas estará dotada con 2,1 millóns de euros para o período 2025-2029 e favorecerá a cooperación na sucesión de explotacións, beneficiando as persoas físicas ou xurídicas xefes de explotación que se xubilen ou teñan outras causas para ceder a súa granxa
• Para acompañar a posta en marcha do Banco, desenvolveranse, ademais, medidas de apoio como un visor informático público, modelos normalizados e accións de formación dirixidas ao persoal das oficinas rurais para que este, á súa vez, poida prestar apoio e asesoramento ás persoas interesadas

A Xunta inviste máis de 278M€ en case 2.700 obras para modernizar e mellorar os centros educativos

• Rueda salienta que o Goberno galego cumpre co Plan de nova arquitectura pedagóxica 2021-2024, unha folla de ruta "que non tiña precedentes ata o de agora"
• Están en marcha o 98 % das intervencións incluídas na planificación, mentres que as restantes están xa comprometidas para a súa próxima execución
• Amplíanse 43 centros cun fondo de case 68M€ para atender as necesidades de matrícula e de formación do alumnado en zonas con dinamismo demográfico
• As intervencións buscan mellorar o confort de alumnado e profesorado, optimizar o consumo enerxético e dotar os centros de espazos máis actuais

Referencia do Consello da Xunta celebrado hoxe en San Caetano

Presionando en los siguientes enlaces podrán tener acceso a la referencia del Consello y al audio de la rueda de prensa posterior. ...

Rueda anuncia que a Xunta avanza na construción de vivenda de promoción pública nos concellos de Vigo e Coruña

• O Goberno galego autoriza a licitación por preto de 355.000€ do servizo de redacción de proxecto básico e de execución e dirección de obra para a construción de 43 inmobles, garaxes, rochos e locais na parcela IVA-16, do polígono 1 de Navia (Vigo)
• A Xunta dá luz verde para a contratación das obras de 14 novas vivendas de promoción pública no barrio coruñés de Xuxán, cun investimento de máis de 3,1 M€
• A Xunta está a executar as obras de urbanización no polígono 1 de San Paio de Navia, en Vigo, para acoller 359 vivendas de promoción pública, e prevé neste ámbito reforzar o parque residencial coa habilitación de solo para a construción de 374 vivendas protexidas de promoción privada
• Coa nova contratación aprobada hoxe, o número de vivendas de promoción pública executadas ou en execución no barrio coruñés de Xuxán acada as 144, das cales 40 xa foron entregadas aos adxudicatarios
• A Xunta segue avanzando na Estratexia de vivenda pública e protexida para duplicar nesta lexislatura o parque publico ata chegar ás 8.000 vivendas e desenvolver chan para 20.000 vivendas protexidas e 5.000 vivendas libres

A Xunta leva a calidade e o mellor sabor dos produtos pesqueiros galegos á Seafood Asia Expo

Singapur, 9 de setembro de 2024 A Xunta continúa fondando na promoción do peixe, marisco e conservas galegas nos mercados internacionais apoiando a presencia de seis empresas galegas do sector na décimo segunda edición da Seafood Expo Asia celebrada na cidade de Singapur. O evento, homólogo da Seafood Expo Global de Barcelona ou a Seafood Expo North América de Boston, é unha das citas máis relevantes do sector e destaca pola diversidade ...

Javier Arias pon en valor a aposta da Xunta pola FP nunha visita ao CIFP as Mercedes, en Lugo

Lugo, 9 de setembro de 2024 O delegado territorial da Xunta en Lugo, Javier Arias, visitou hoxe o CIFP As Mercedes, de Lugo, onde destacou o compromiso do Goberno autonómico con este centro dependente da Consellería de Educación, Ciencia, Universidades e Formación Profesional, e referente en programas de FP básica e dual. O delegado territorial puxo en valor a aposta da Xunta de Galicia por reforzar a Formación Profesional. Neste sentido, ...

A Xunta impulsa catro obras en dous centros educativos de Oroso por un importe de máis de 446.000€

• No Ceip Camiño Inglés levouse a cabo a ampliación dunha nova liña de infantil dando resposta a una demanda da comunidade educativa e do Concello
• Ao abeiro do Plan de benestar e accesibilidade na escola, durante este verán acométense 222 pequenas e medianas obras por importe de 4,3 millóns de euros na provincia e, a maiores, están comprometidas 59 grandes obras por un importe de máis de 29 millóns de euros
• A Xunta está centrada en modernizar os centros de ensino cun investimento sen precedentes para a mellora das instalacións", afirma a delegada

A Xunta contará en outubro co proxecto básico do novo IES de Navia

• A delegada territorial, Ana Ortiz, avanzou que unha vez supervisado o documento, o Goberno galego solicitará a licenza e posteriormente licitar a obra

A II Festa dos Ovos Rotos con Chourizo e Feira de Artesanía de Ribeiras de Lea celébrase o 28 de setembro co apoio da Xunta

• A xornada tamén contará cunha das foodtrucks itinerantes da campaña GALICIA SABE AMAR, impulsada pola Consellería do Mar para fomentar o consumo de peixes e mariscos galegos 

A Xunta traballa nun plan extraordinario de inspección en materia de seguridade industrial enfocado a hoteis, centros comerciais e espazos de ocio

• A directora xeral de Estratexia Industrial e Solo Empresarial, Margarita Ardao, participou hoxe en Vigo na inauguración da I Xornada sobre seguridade industrial organizada polo Colexio Oficial de Enxeñeiros Industriais de Galicia en colaboración coa Consellería de Economía e Industria
• Precisa que este plan extraordinario desenvolverase a través dun convenio de colaboración que se vai asinar coa Asociación Galega de Organismos de Control Autorizados

Belén do Campo repasa co xerente de Expocoruña os investimentos de máis de 176.000€ que se están a realizar, co apoio da Xunta, para optimizar o uso deste recinto

• Están a levarse a cabo actuacións para que, antes de que remate o ano, a zona de estacionamento de ExpoCoruña se converta nun aparcadoiro público aberto os 365 días ao ano
• A delegada da Xunta mantivo un encontro de traballo no que repasaron os eventos previstos nos próximos meses e os avances nas obras de adaptación para o traslado provisional do personal administrativo e de Servizos Xerais do CHUAC

Galicia leva o seu modelo de xestión no ámbito da pesca, a acuiculutra, do control e trazabalidade dos alimentos mariños a Serbia

• A Administración autonómica forma parte dun proxecto de cooperación liderado pola Secretaría Xeral de Pesca co país balcánico coa finalidade fortalecer e converxer a súa lexislación e industria coa da Unión de cara a súa posible integración 
• O Goberno galego participa activamente neste iniciativa debido a súa ampla experiencia na xestión pesqueira e acuícola así como na súa condición de principal rexión pesqueira de Europa

A Xunta convoca en setembro e en novembro os actos expropiatorios para a mellora de 40 paradas de autobús nas vías autonómicas das rutas de acceso á cidade de Ourense

• Estas intervencións suporán un investimento de máis de 1,2M€ e levaranse a cabo en 9 estradas autonómicas ao seu paso por 14 municipios da provincia 
• No Diario Oficial de Galicia fíxanse os días 24 e 25 de setembro como datas do levantamento das actas previas de ocupación dos predios necesarios para as obras, establecendo a formalización das actas de ocupación para o día 7 de novembro
• As intervencións consisten na dotación de marquesiñas, na mellora da accesibilidade con ramplas e información en braille e no incremento da visibilidade e iluminación
• Estas intervencións enmárcanse no Plan de mellora da seguridade e accesibilidade das paradas de autobús nas estradas autonómicas co que se actuará en 1.100 paradas de toda Galicia

O 061 de Galicia asistiu 74 persoas por 59 accidentes de tráfico durante a fin de semana

• Desde as 15,00 horas do venres, 6 de setembro ata as 23,59 horas do domingo, 8 de setembro, a Central de Coordinación de Urxencias Sanitarias de Galicia-061 recibiu 67 chamadas por accidentes de tráfico

A Xunta debate o borrador dun real decreto sobre axudas de cooperación internacional

• O director xeral de Relacións Exteriores e coa Unión Europea, Jesús Gamallo, participou na reunión da Comisión Interterritorial de Cooperación para o Desenvolvemento

A Xunta promove as vendas de proximidade na provincia de Lugo coa campaña 'Merca no teu comercio'

•  O director xeral de Comercio e Consumo, Gabriel Alén, e o delegado territorial da Xunta en Lugo, Javier Arias, participaron na presentación desta iniciativa enmarcada na colaboración entre o Goberno galego e a Federación Galega de Comercio
• Terá dúas edicións, unha entre o 10 e o 30 de setembro e outra entre o 10 e o 30 de outubro e sorteará un total de 10.000 euros en bonos de 200 euros para canxear nos establecementos adheridos
• Gabriel Alén salientou a importancia e a necesidade de accións coma esta para impulsar a actividade comercial e asegurar o mantemento dos negocios promovendo a remuda xeracional
• Ademais, cada edición inclúe unha gala de entrega de premios na que se sorteará en directo un bono de 1.000 euros

A Xunta inviste preto de 50.000 euros na reforma dos chans da Escola Infantil O Toxo

• Galicia é a comunidade autónoma con maior ratio de escolarización en nenos de entre 0 e 3 anos e conta con máis de 32.000 prazas gratuítas
• A obra permitiu mellorar a comodida e seguridade dos nenos e nenas que cada día acoden ao centro

Augas de Galicia resolveu preto de 430 expedientes ao mes durante 2023 para autorizar obras, concesións ou a xestión de puntos de vertido

• Os trámites realizados son unha mostra da axilidade da entidade nas numerosas cuestións que xestiona no seu día a día
• Os técnicos do organismo hidráulico realizaron arredor de 10.000 inspeccións na demarcación Galicia-Costa durante o ano pasado, un labor que permitiu corrixir ou facer que cumpran os límites establecidos un total de 10.383 puntos de vertido, o 91% dos inventariados nas áreas da súa competencia

A Xunta comeza as obras de restauración do Teatro de Beneficiencia de Ortigueira cun investimento de máis de 48.000 euros

• As actuacións procuran preservar un dos recintos históricos máis emblemáticos deste concello coruñés
• Na medida do posible, prevese compaxinar as intervencións coa programación cultural xa comprometida

A Xunta avanza na integración sociolaboral dos migrantes en situación irregular a través da 2ª fase do proxecto pioneiro de arraigamento para a formación

• A directora xeral de Formación e Cualificación para o Emprego, Zeltia Lado, clausurou hoxe a xornada Arraigo para a formación. Oportunidades no sector da construción de Galicia, organizada pola Fundación Laboral da Construción
• Alí destacou que a Consellería de Emprego, Comercio e Emigración asinará en breve senllos convenios con Cáritas Federadas en Galicia, Cáritas de Lugo e a Federación de Escolas Familiares Agrarias (EFA) de Galicia cunha achega autonómica de case 1 M€
• Engadiu que na primeira edición destas colaboracións máis de cen persoas se beneficiaron do programa, das que arredor dun 70% conseguiron un traballo indefinido grazas ás microformacións recibidas a través de case 60 cursos
• Entre as formacións relacionadas coa construción, destacaron as relativas ás reformas de interiores, revestimentos e cubertas de inmobles ou ás operación auxiliares de albanelería de fábricas e cubertas

A Xunta destina 1,6M€ en axudas ás asociacións de nais e pais para xestión do comedor escolar este curso

• A Consellería de Educación abre o prazo desta convocatoria, cuxa contía se reforzou nos últimos anos, ata o 10 de outubro

Alfonso Villares apela á colaboración institucional na loita contra a pesca ilegal e brindar así ao sector o futuro que se merece

• Destaca o firme compromiso de Galicia para paliar esta práctica non regulada que prexudica á recadación fiscal, diminúe o rendemento económico do sector e afecta á imaxe dos produtos do mar, á súa seguridade alimentaria e aos recursos mariños
• Pon en valor que por parte da Xunta se levase a cabo un plan integral, a través do que se buscaba garantir a salubridade, evitar o fraude, reforzar a actividade inspectora e endurecer o Código Penal

Ana Ortiz traslada á asociación de amigos de Venezuela en Vigo o apoio do Goberno galego aos emigrantes retornados

• A delegada territorial da Xunta mantivo un encontro con Manuel Pérez, representante tamén da Federación Venezolana de Galicia (Fevega)

A Xunta participará cun espazo de emprendemento na II Feira da Mascota de Galicia

Pontevedra, 9 de setembro de 2024 O secretario xeral de Emprego e Relacións Laborais, Pablo Fernández, participou na presentación da II Feira da Mascota de Galicia que se celebrará o 14 e o 15 de setembro no recinto feiral de Pontevedra e que contará cun espazo sobre iniciativas da Rede de polos de emprendemento e apoio ao Emprego relacionadas co ámbito das mascotas e no que os asistentes poderán afondar nestes proxectos. Alí destacou a ...

Diego Calvo e Fabiola García asisten ao primeiro partido da tempada do Dépor Abanca

A Coruña, 8 de setembro de 2024 O conselleiro de Presidencia, Xustiza e Deportes, Diego Calvo, e a conselleira de Política Social e Igualdade, Fabiola García, asistiron esta tarde no estadio Abanca Riazor xunto coa directora xeral de Promoción da Igualdade, María Quintiana, ao partido da primeira xornada da Liga F entre o Dépor Abanca e o F.C. Barcelona feminino. O estadio coruñes acolleu o primeiro encontro da tempada na Liga F para o DÃ...

A Xunta investirá preto dun millón de euros en obras de mellora na residencia de maiores de Oleiros

• A actuación consistirá na reforma das cubertas do edificio para mellorar as súas condicións de illamento

Rueda participa na entrega de premios da XXXVI Concentración Mototurística Internacional Rías Baixas

Sanxenxo (Pontevedra), 8 de setembro de 2024 O presidente da Xunta, Alfonso Rueda, participou esta mañá na entrega de premios da XXXVI Concentración Mototurística Internacional Rías Baixas Sanxenxo 2024. ...

A Xunta e o Musée du Quai Branly de Francia acordan exhibir a finais de outubro na Cidade da Cultura a maior exposición internacional sobre tatuaxe

• 'Tattoo. Arte baixo a pel', producida por un dos grandes museos franceses, explora a historia e simboloxía estética, cultural, social e relixiosa desta práctica milenaria
• Esta proposta chega a Galicia tras colleitar unha excepcional acollida en Francia, Canadá, Estados Unidos, Taiwán e Rusia
• O proxecto, que conta coa colaboración da Fundación 'la Caixa', inaugurarase no Museo Gaiás o 24 de outubro e permanecerá ata o 20 de abril

Román Rodríguez garante que a Xunta de Galicia continuará reforzando o financiamento universitario e empraza ao Goberno central a facer o mesmo

• O conselleiro afirma nunha entrevista na Radio Galega que as universidades cobrarán este mesmo mes os ingresos derivados de matrícula gratuíta
• Galicia xa ten todo listo para o inicio do curso o mércores no resto de niveis tras un verán intenso de obras e a estrea de novas medidas de mellora do ensino

As empresas interesadas na execución das obras do novo colexio do Milladoiro, en Ames, poderán presentar as súas ofertas ata o vindeiro 8 de outubro

• A Xunta vén de licitar por preto de 9,8M€ a obra de construción do novo CEIP do Milladoiro, co obxectivo de que estea operativo no curso 2026/27
• Trátase do primeiro centro construído integramente en base aos parámetros do Plan de Nova Arquitectura Pedagóxica e dá resposta á necesidade de prazas nun dos concellos de maior dinamismo demográfico
• O colexio será totalmente accesible e contará con espazos multidisciplinares, flexibles e adaptados ao ensino do século XXI

A Xunta investirá preto de 300.000 € na recuperación da contorna da antiga mina de Porto Piñeiro como área de lecer

• Lorenzana destacou a aposta da Xunta pola transformación de zonas afectadas polas actividades mineiras para crear espazos de calidade medioambiental e social 
• O Goberno galego vén de autorizar o convenio de colaboración co concello de Valga por importe de 366.200€ para dotar o seu perímetro dun peche de protección que reforce a seguridade das persoas usuarias da futura zona recreativa

O conselleiro do Mar participa nas festas do Carmen de Porto do Son

Porto do Son (A Coruña), 8 de setembro de 2024 O conselleiro do Mar, Alfonso Villares, participou este domingo nas festas do Carmen de Porto do Son.  O responsable autonómico quixo acompañar así aos asistentes neste festexo no que se homenaxea á patroa dos mariñeiros e a todas as persoas que traballan ou se relacionan co mar. Neste senso, Villares expresou o seu agradecemento por facelo partícipe deste encontro e trasladou tanto a súa v...

A Xunta presentará o 19 de setembro nun congreso as conclusións do estudo sobre a reforma do mapa municipal de Galicia

• As persoas e entidades que desexen asistir teñen de prazo ata o 16 de para acreditarse e inscribirse desde a web https://reformadomapamunicipaldegalicia.gal/
• O estudo que se presentará no congreso é froito da colaboración da Xunta coa Fundación Juana de Vega e as tres universidades galegas 
•  Inclúe os resultados dun milleiro de enquisas á cidadanía e entrevistas a unha trintena de expertos que amosaron, en xeral, unha postura favorable ás fusións, ademais de propostas normativas que se terán en conta na nova Lei de Administración Local de Galicia

A consellería do Medio Rural lembra que segue aberto o prazo para solicitar as axudas para a promoción do viño galego en terceiros países, dotadas con 1,7 M€

• O obxectivo destas axudas é fomentar o coñecemento das características e calidades dos viños fóra da Unión Europea, co fin de contribuír á mellora da súa competitividade
• Poderán beneficiarse destas achegas as empresas vinícolas, as organizacións de produtores vitivinícolas e as súas asociacións ou os órganos de xestión e de representación das denominacións de orixe protexidas (DOP) e as indicacións xeográficas protexidas (IXP) vitivinícolas
• Nos últimos sete anos (dende 2018 ata o 2024) xestionáronse dentro desta liña 8,3 millóns de euros, que axudaron a realizar un total de 146 programas de promoción

López Campos enxalza a programación "de calidade e de prestixio" da nova tempada lírica da Coruña que conta co apoio da Xunta

• O conselleiro de Cultura, Lingua e Xuventude asistirá esta tarde no Palacio da Ópera á representación de La Bohème de Giacomo Puccini, concerto que inaugura a 72ª edición