Decreto 179/2024, do 2 de setembro, polo que se regulan as funcións, a composición e o réxime de funcionamento da Comisión Interdepartamental de Coordinación da Ordenación do Litoral

este decreto ten por obxecto a regulación da composición e o réxime de funcionamento da Comisión Interdepartamental de Coordinación da Ordenación do Litoral (en adiante, a Comisión), para o cumprimento dos fins e a realización das funcións que lle atribúe a Lei 4/2023, de 6 de xullo, de ordenación e xestión integrada do litoral de Galicia.

Son funcións da Comisión Interdepartamental de Coordinación da Ordenación do Litoral:

• Coordinar a elaboración, aplicación e seguimento dos instrumentos de ordenación do litoral regulados na Lei 4/2023, de 4 de xullo, de ordenación e xestión integrada do litoral de Galicia.
• Coordinar os diferentes órganos implicados nas políticas e medidas previstas na Lei 4/2023, cando resulte necesario para simplificar e axilizar a tramitación dos procedementos relacionados con elas.
• Velar pola integración das disposicións da Lei 4/2023 e as leis sectoriais que afecten ao litoral, impulsando, cando proceda, as modificacións que favorezan a súa xestión integrada.
• Elaborar os criterios interpretativos ou directrices que resulten necesarios para promover a xestión integrada dos instrumentos de ordenación do litoral (Informe DXSA).