Proxecto de decreto polo que se regulan as entidades de certificación de conformidade municipal na Comunidade Autónoma de Galicia e o seu rexistro

a norma ten por obxecto desenvolver o réxime xurídico aplicable ás entidades de certificación de conformidade municipal na Comunidade Autónoma de Galicia e regular o seu rexistro. Concretamente, a norma regula as funcións e os requisitos destas entidades, as súas obrigas e incompatibilidades, o procedemento para atender as reclamacións que se presenten contra as súas actuacións e as especificacións derivadas do réxime sancionador. Así mesmo, o decreto desenvolve a regulación do Rexistro de Entidades de Certificación de Conformidade Municipal da Comunidade Autónoma de Galicia, adscrito á consellería competente en materia de urbanismo. 

A regulación proposta debe realizarse mediante unha norma con rango de decreto, en virtude dos mandatos recollidos nos artigos 146.bis) da Lei 2/2016, do 10 de febreiro, do solo de Galicia e 47 da Lei 9/2013, do 19 de decembro, do emprendemento e da competitividade económica de Galicia, que remiten ao correspondente desenvolvemento regulamentario.