Todas las noticias de consumo en Galicia en los últimos 30 días

A Xunta destaca a iniciativa Artesanía, saber e sabor de Ribadavia como exemplo de dinamización do rural e do comercio local

• María José Gómez destacou o mercado de produtos agroalimentarios de calidade diferenciada pola súa posta en valor destas elaboracións, así como daqueles amparados por denominacións de orixe e indicacións xeográficas protexidas
• A Axencia Galega da Calidade Alimentaria, xunto con Artesanía de Galicia, preparou un completo programa de actividades, enfocadas a todas as idades, para achegar o traballo dos artesáns
• Este evento serve como punto de partida do proxecto 'Vilas Vivas', que será impulsado pola Xunta en 2025 co obxectivo de reforzar a dinamización do tecido comercial de vilas e cabeceiras de comarcas galegas a través do uso efémero de locais en desuso

A Xunta insiste ao Goberno central na necesidade de designar o interlocutor con Renfe ao que se comprometera no verán

• O conselleiro de Presidencia, Xustiza e Deportes, Diego Calvo, incide na importancia dun diálogo continuo co Executivo estatal para coñecer as causas dos retrasos nas infraestruturas ferroviarias comprometidas polo Ministerio coa comunidade e das constantes incidencias
• O Goberno galego lembra os aprazamentos dos trens Avril e Avlo a Galicia antes da súa posta en marcha e as continuas avarías e falta de concreción nos prezos e reservas de billetes desde a súa estrea este ano, así como nos servizos de media distancia, que non recuperaron as frecuencias prepandemia

Innovatech FP duplica este curso o número de empresas participantes para lanzar retos a 69 centros

• Román Rodríguez sinala este programa como unha oportunidade para que o alumnado responda ás necesidades reais do tecido produtivo
• Increméntase o número de alumnos participantes, que pasa de 600 na primeira edición a preto de 1.000 este curso
• O obxectivo deste programa é conectar ao alumnado de FP co sector empresarial mediante a innovación, a tecnoloxía e o emprendemento
• O Centro Eduardo Barreiros, en Ourense, dará orientación e apoio aos grupos de traballo no desenvolvemento dos seus proxectos

A Xunta volve reclamar ao Goberno central que cumpra a Lei de Dependencia, financie ao 50% a atención e salde a súa débeda con Galicia

• Solicita ao Executivo central que dote ás comunidades de fondos suficientes para a aplicación da Lei ELA e reclama que apoie a Galicia con financiamento para as axudas aos afectados por esta enfermidade
• Amosa a súa preocupación pola repercusión e a inseguridade xurídica que pode xerar a futura Lei de Familias nas familias monoparentais e numerosas de Galicia

Rueda enmarca a ampliación dos Bonos Activa Comercio dentro do compromiso da Xunta co sector e cos autónomos

• Sinala que o papel do comercio vai máis aló do económico, enchendo de vida vilas e cidades todos os días do ano

Alfonso Villares enxalza o bo facer e calidade que hai detrás dos produtos do mar galegos levando a campaña Galicia sabe AMar á Casa de Galicia de Madrid

• O responsable autonómico resalta o recoñecemento que teñen o peixe e marisco procedente da comunidade en toda España e sinala a importancia de fomentar o seu consumo 
• A iniciativa promovida pola Consellería do Mar ten previsto realizar 1.400 degustacións ata outubro de 2025 a través de catro foodtrucks que ofrecen saborosos petiscos durante a súa estancia en eventos deportivos, culturais ou centros de ensino
• A institución autonómica tamén acolle a exposición pescArte, cunha ampla colección de maquetas de artes de pesca, e a artesanía elaborada polo proxecto Enredadas, baixo a coordinación da Fundación Pública Artesanía de Galicia

A Xunta pon en valor o plan formativo da Cámara de Comercio de Santiago para profesionalizar e aumentar as vendas do sector na cidade e contorna

Santiago de Compostela, 3 de decembro de 2024 O director xeral de Comercio e Consumo, Gabriel Alén, participou hoxe no acto de entrega de diplomas co gallo do Plan formativo para o sector comercial desenvolvido pola Cámara de Comercio de Santiago coa colaboración da Consellería de Emprego, Comercio e Emigración. Alí, destacou a importancia deste tipo de iniciativas para aumentar a competitividade do tecido comercial tanto nas cidades como ...

A Xunta aposta polo desenvolvemento dunha eólica mariña que garanta a coexistencia con outros sectores e co medio

• O secretario xeral de Industria e Desenvolvemento Enerxético, Nicolás Vázquez, participa na xornada Aowinde
• Destaca o potencial de Galicia neste ámbito e o papel da eólica mariña como elemento tractor na cadea de valor da industria
• Pon en valor a súa contribución á descarbonización e á independencia enerxética

A Xunta colabora co concello de Xinzo de Limia no impulso da praza de abastos e na súa certificación como mercado excelente

• O director xeral de Comercio e Consumo, Gabriel Alén, visitou a praza de abastos deste concello ourensán, beneficiario da orde de axudas do Executivo galego para potenciar estes espazos esenciais no comercio de proximidade

A Xunta potencia a formación en beneficio do sector comercial da comarca da Limia

• O director xeral de Comercio e Consumo asistiu esta tarde á xornada impulsada polo Goberno galego en Xinzo de Limia arredor da decoración e o escaparatismo co gallo de mellorar a visibilidade e promoción no punto de venda
• Gabriel Alén destaca que este tipo de accións de curta duración e de carácter práctico son fundamentais para incrementar a competitividade do comercio local

A Xunta pon en valor en Lalín a importancia de colaborar co tecido comercial para revitalizar as rúas no Nadal e impulsar as vendas de proximidade

• O director xeral de Comercio e Consumo, Gabriel Alén, participou no acto de acendido das luces de Nadal deste concello pontevedrés e na inauguración dos escaparates máxicos, unha iniciativa que conta co apoio do Executivo galego

A Axencia de Doazón de Órganos e Sangue adxudica por preto de medio millón de euros a adquisición dunha nova unidade móbil para a área sanitaria de Lugo, A Mariña e Monforte de Lemos

• A Xunta leva investido máis de 2 M€ na renovación das unidades móbiles de doazón de sangue desde o ano 2018 
• Aproximadamente o 85% das doazóns que se recolleron en 2023 rexistráronse nestes vehículos

López Campos referenda en Culturgal o compromiso da Xunta coa produción cultural galega e en galego

• O titular de Cultura salienta o bo momento que vive o sector, cun crecemento da produción e tamén do consumo cultural que alcanza os 500 M€ nos fogares galegos
• Anima a mocidade a tirar proveito do seu potencial e talento creativo e que o fagan empregando e prestixiando a nosa lingua
• O Goberno galego mantén o seu apoio a este evento anual, do que é a principal entidade patrocinadora, ademais de promover directamente unha vintena de actividades

Román Rodríguez anuncia a rehabilitación integral do instituto IES Alfredo Brañas de Carballo por case 1,8 M€

• Destaca que as obras se enmarcan no Plan de nova arquitectura pedagóxica, a través do que xa se investiu case 1 M€ en melloras nos centros educativos de Carballo
• A nova actuación licitarase antes de que remate o ano e incluirá melloras na eficiencia enerxética e confort térmico do centro

A Xunta participa en Verín na entrega de premios da segunda quenda da campaña 'Merca no teu comercio' na provincia de Ourense

• O director xeral de Comercio e Consumo, Gabriel Alén, pon en valor esta iniciativa desenvolvida en colaboración coa Federación Galega de Comercio á que están adheridos máis de 550 comercios en toda a provincia

A Xunta apoia ao Concello da Coruña para que a praza de abastos de San Agustín opte a formar parte da rede galega de Mercados Excelentes

• O obxectivo é promover, por un lado, actuacións dirixidas ao mantemento e mellora dos Mercados Excelentes existentes e, por outro, accións de mentorización, de formación ou obras de construción para que outros poidan acadar este selo
• A axuda para o proxecto do mercado de San Agustín é de máis de 10.200 euros
• Na convocatoria deste ano tamén resultou beneficiario o mercado das Conchiñas, con máis de 9.300, da liña de apoios a asociacións e federacións de prazas de abastos para a dinamización comercial e mantemento das súas webs de venda electrónica

O conselleiro de Sanidade celebra o compromiso da comunidade educativa co Plan Obesidade Zero e que xa o 90% dos menús das escolas ofrezan auga como única bebida

• O Plan Obesidade Zero da Xunta ten entre os seus obxectivos que 189.000 persoas deixen de ter sobrepeso ou obesidade en 2030
• O conselleiro do Mar sitúa o consumo de produtos pesqueiros como unha cuestión de saúde pública polos seus múltiples beneficios para a saúde e o medio ambiente debido á súa baixa pegada hídrica e de carbono

A Xunta destaca o potencial das empresas emerxentes e do comercio local no peche do congreso 'Galicia Emprende: innovación e futuro dixital nas pemes'

Santiago de Compostela, 27 de novembro de 2024 O secretario xeral de Emprego e Relacións Laborais, Pablo Fernández, clausurou hoxe en Santiago de Compostela o congreso Galicia Emprende: innovación e futuro dixital nas pemes, unha cita que desde onte apostou pola formación, pola innovación e polo intercambio de experiencias para darlle un pulo ao emprendemento na nosa Comunidade. Fernández felicitou as empresas emerxentes gañadoras do conc...

A Xunta pon en marcha en Lugo un sistema de reclamación dixital para favorecer os dereitos de consumidores e usuarios

• O delegado territorial, Javier Arias, explicou que os comercios adheridos contarán cun código QR que simplifica e axiliza o trámite

A Xunta destina case 8,5M€ a unha vintena de infraestruturas de carácter estratéxico coas axudas do fondo adicional do Fondo de Cooperación Local

• Ao abeiro desta medida, finánciase ata o 50% do importe dos proxectos municipais, cun límite de 700.000 euros
• O Goberno galego renovará o próximo ano esta liña de acción cunha contía similar
• Só neste 2024 destináronse máis de 32M€ á execución de case 700 proxectos municipais a través de subvencións específicas en apoio ao eido local

Jaime Pena, nomeado director da Filmoteca de Galicia

• O conselleiro de Cultura, Lingua e Xuventude felicita persoalmente ao que ata agora era o programador da entidade
• O equipamento, con sede na Coruña e dependente da Xunta, conta con sala de proxección, mediateca e arquivo fílmico

A Xunta impulsa a mellora da eficiencia enerxética nos vestiarios do campo de fútbol municipal e a renovación do alumeado público de Sobrado con case 100.000€

• A delegada da Xunta, Belén do Campo, visitou o Concello para coñecer as accións realizadas ao abeiro do fondo adicional ao Fondo de Cooperación Local e do Fondo de Compensación Ambiental na liña non competitiva
• Un total de 10 concellos da comarca de Betanzos recibiron achegas do Goberno galego ao abeiro destas dúas liñas dotadas con 5 millóns de euros  e 6 millóns de euros respectivamente

A Xunta avanza na dinamización das peixerías tradicionais mediante cursos de innovación e adaptación ás novas tendencias de consumo

• A Consellería do Mar desenvolve esta iniciativa en colaboración con Fedepesca co obxectivo de introducir nestes establecementos novos produtos e servizos co obxectivo de atraer a novos clientes  
• Alfonso Villares visita a acción formativa realizada na lonxa coruñesa onde destaca o papel das peixerías tradicionais como divulgadoras da calidade e beneficios para a saúde que hai detrás do consumo dos alimentos mariños 
• Estas formacións, que se celebraron en Santiago de Compostela, Pontevedra, foron dirixidas tanto a profesionais en activo como a alumnado de formación profesional beneficiando ata agora a un total de 145 persoas

A Xunta destinou 200.000 euros a mellorar a eficiencia enerxética e o illamento do pavillón municipal de Ribas de Sil

• O delegado territorial de Lugo, Javier Arias, explicou que veñen de completarse as reformas realizadas nas instalacións deportivas coas axudas do Fondo de Cooperación Local

A Xunta avanza cos recintos feirais na elaboración do Plan estratéxico do comercio de Galicia 2025-2030

• José González agradece o labor desenvolvido polos recintos da Coruña, Ourense, Lugo, Vigo e A Estrada, cualificándoos de auténticos referentes de dinamización das súas respectivas contornas
• Así, pon de relevo a súa localización estratéxica non só para acoller todo tipo de exposicións que dean pulo aos distintos sectores económicos, senón tamén para albergar diversos eventos en beneficio do tecido produtivo local e da cidadanía
• Enmarca o encontro no proceso de escoita activa aberto cos distintos axentes do eido comercial e artesán co obxecto de ter listo o novo Plan estratéxico 2025-2030 no primeiro trimestre do ano que vén

A Xunta reforza as competencias do sector comercial de Ribadavia, concello que albergará na ponte de decembro o evento 'Artesanía, saber e sabor'

• O Executivo galego impulsa unha xornada formativa sobre decoración e escaparatismo para mellorar a visibilidade e promoción no punto de venda
• O director xeral de Comercio e Consumo, Gabriel Alén, destaca que este tipo de accións de curta duración e de carácter práctico son fundamentais para incrementar a competitividade do comercio local
• Do 6 ao 8 de decembro a vila acollerá no casco histórico un evento que abranguerá un mercado de Nadal de Artesanía Alimentaria e de Artesanía de Galicia, entre outras actividades, e que servirá de punto de partida para o proxecto 'Vilas Vivas'

A Xunta participa en Pontevedra na entrega de premios da segunda quenda da campaña 'Merca no teu comercio'

• O director xeral de Comercio e Consumo, Gabriel Alén, pon en valor esta iniciativa desenvolvida en colaboración coa Federación Galega de Comercio na que participan 1.200 comercios en toda a provincia

'Galicia sabe AMAR' promociona os produtos pesqueiros galegos na XV Edición do Ciclocross Concello de Cambre

• O conselleiro do Mar destacou que, ao igual que a práctica regular de deporte, o consumo de peixe e marisco é sinónimo de saúde e benestar

Os produtos pesqueiros galegos son os mellores aliados na prevención de afeccións cardiovasculares

A Coruña, 23 de novembro de 2024 A lonxa da Coruña acolleu hoxe un relatorio do cardiólogo do Hospital Universitario de Coruña (Chuac), Guillermo Aldama,  membro da Sociedade Española de Cardioloxía e da Fundación Española do Corazón quen revelou aos asistentes os beneficios que reporta a inxesta de productos mariños á saúde, especialmente á cardiovascular. Entre os asistentes estivo o conselleiro do Mar, Alfonso Villares, cuxo dep...

A Xunta pon de relevo nos XIII Premios de AJE Ourense a estratexia de Galicia como Rexión Emprendedora Europea con apoios como a rede de polos

• O secretario xeral de Emprego e Relacións Laborais, Pablo Fernández, o director xeral de Comercio e Consumo, Gabriel Alén, e a directora-xerente de Galicia Calidade, Ana Méndez, participaron hoxe no acto de entrega dos galardóns
• Salientaron o labor das distintas asociacións de empresarios novos a prol do desenvolvemento dun tecido empresarial competitivo e a colaboración co Goberno galego para garantir a remuda xeracional e a viabilidade dos negocios 
• En total, a Rede de polos de emprendemento e apoio ao emprego que conta xa con 15 centros -incluídos os de Verín, O Carballiño, O Barco de Valdeorras e Baños de Molgas- leva atendido máis de 2.800 proxectos en toda Galicia 
• Aludiuse tamén á nova Estratexia Mocidade Activa, que en 2025 avanzará na empregabilidade da xente nova con programas como o de 1ª experiencia profesional

A campaña GALICIA SABE AMAR divulga entre a mocidade o mellor sabor das rías galegas e os beneficios para a saúde que hai detrás do seu consumo

Teo (A Coruña), 22 de novembro do 2024 A campaña GALICIA SABE AMAR, impulsada pola Consellería do Mar, continúa levando o mellor sabor das rías galegas a través de foodtrucks aos escolares da comunidade. Nesta ocasión foi ao alumnado do IES Cacheiras, do municipio coruñés de Teo, e que contou coa presenza do conselleiro do Mar, Alfonso Villares. Alí puxo en valor a importancia de promover o consumo entre a xente máis nova nun contexto...

A Xunta lanza en Vigo un novidoso sistema de consumo para a reclamación dixital na defensa dos usuarios

• A delegada territorial da Xunta de Galicia en Vigo, Ana Ortiz, presentou este xoves  esta iniciativa nun establecemento comercial das Travesas

Medio Rural abre mañá en Vigo o primeiro Mercado de Nadal de Artesanía Alimentaria

• O espazo permanecerá aberto ata o vindeiro domingo, en horario de mañá e tarde, no Peirao do Areal, cunha ampla oferta de produtos de calidade diferenciada adscritos á marca Artesanía Alimentaria e un completo programa de actos de carácter lúdico
• Este mercado é o primeiro dos catro organizados pola Xunta nestas datas, un por cada provincia galega; o resto son os de Ribadavia, do 6 ao 8 de decembro; o de Lugo, do 13 ao 15 de decembro e o de Santiago de Compostela entre o 20 e o 22 de decembro
• O obxectivo desta iniciativa é poñer en valor o selo de calidade diferenciada Artesanía Alimentaria, polo que as expositoras nestes mercados serán pequenas empresas que elaboran e comercializan produtos acollidos dos diferentes sectores

Villares defende maior axilidade e transparencia na negociación das cotas co Reino Unido debido á importancia que ten o caladoiro do Gran Sol para a frota galega

• Sinala que o modelo actual para as augas do norte é prexudicial para Galicia ao comprender zonas CIEM demasiado amplas e que están afectadas pola sobre explotación de países do norte de Europa de grandes peláxicos
• Sitúa a reforma da PPC como un desafío inmediato, xa que é fundamental abordar os retos que establece o Pacto Verde Europeo para alcanzar unha pesca sostible e acorde co crecemento azul 
• En consonancia coas políticas europeas, considera prioritario impulsar medidas que incentiven o consumo dos produtos do mar e lamenta que o Goberno continúe sen baixarlles o IVE 
• Defende o mantemento da bonificación do gasóleo de frota, xa que é vital para máis de 4.000 barcos galegos.

A Xunta pon de relevo o labor do Instituto Galego do Consumo e da Competencia polo seu 30º aniversario e o liderado do seu laboratorio

• José González destaca que o Laboratorio galego é o único oficial público na materia acreditado pola ENAC, líder estatal no control e comunicación de alertas de produtos inseguros co fin de blindar os dereitos dos consumidores e potenciar o comercio local
• O seu labor enmárcase no do Instituto Galego do Consumo e da Competencia, que en 30 anos avanzou na simplificación administrativa, na gratuidade e na resolución de conflitos, acumulando case 1 millón de consultas e preto de 500.000 reclamacións
• Tense habilitado un sistema de reclamación dixital que prevé chegar este mes a un cento de supermercados e a cen establecementos e servizos máis en decembro, coa idea de ter 5.000 adheridos en 2025, incluídas a subministración eléctrica e a telefonía

A Xunta apoia o sector da acibechería no marco da artesanía galega

Santiago de Compostela, 20 de novembro de 2024 O director xeral de Comercio e Consumo, Gabriel Alén, e a directora xeral de Formación Profesional, Eugenia Pérez, asistiron esta tarde á presentación do proxecto Acibechería-iMATUS: Construíndo futuro para un oficio milenario.  Ambos representantes autonómicos puxeron en valor esta iniciativa coorganizada polo Instituto de Materiais da Universidade de Santiago de Compostela (iMATUS) e pola...

A Xunta avanza na colaboración co concello de Ponteareas para impulsar a nova praza de abastos do municipio, cunha achega autonómica de 800.000 €

• A actuación enmárcase na aposta estratéxica da Xunta para reforzar e revitalizar os mercados e prazas de abastos e o seu impulso como Mercados Excelentes

Medio Rural destaca a importancia do leite nunha alimentación saudable e a necesidade de dar información veraz sobre os produtos agrarios

• O director xeral de Gandaría, Agricultura e Industrias Agroalimentarias, José Balseiros, participou hoxe na presentación do Libro Blanco de los Lácteos, que tivo lugar na Facultade de Medicina da Universidade de Santiago de Compostela

A Xunta destina preto de 45.000 euros aos proxectos de rexeneración marisqueira das confrarías de Pontedeume, Mugardos, Ferrol e Barallobre

• A delegada territorial de Ferrol, Martina Aneiros, achegouse esta mañá ás inmediacións do paseo marítimo de Pontedeume onde a confraría desenvolve as tarefas de semente na zona dos Moteis
• Estas axudas permitirán a semente de 2,5 millóns de unidades de ameixa nos bancos marisqueiros das rías de Ferrol e Pontedeume

A Xunta analiza co colectivo de autónomos as apostas do futuro Plan estratéxico do comercio 2025-2030

Santiago de Compostela, 20 de novembro de 2024 O secretario xeral de Emprego e Relacións Laborais, Pablo Fernández, acompañado do director xeral de Comercio e Consumo, Gabriel Alén, presidiu unha nova xuntanza da Mesa do Emprego Autónomo de Galicia, centrada na elaboración do Plan estratéxico de comercio 2025-2030. Esta xuntanza forma parte do proceso participativo para a elaboración desta folla de ruta, que se prevé tela lista no prime...

A Xunta pon en marcha a campaña 'A epoc tamén fala en feminino' para mellorar o diagnóstico dunha enfermidade que sofren 21 de cada 1.000 mulleres

• Antonio Gómez Caamaño subliña que a Consellería de Sanidade fortalecerá os programas de deshabituación tabáquica para axudar ás mulleres a deixar de fumar
• Promoverase a realización de espirometrías a mulleres fumadoras con máis de 10 paquetes ao ano para facilitar un diagnóstico precoz en primaria
• Apoiarase aos profesionais da saúde con formación específica para que poidan recoñecer e tratar mellor os síntomas da EPOC nas mulleres, que son máis severos neste colectivo

A Xunta destaca o potencial emprendedor da xente nova en Galicia no 2023 tal e como reflicte o informe GEM

• O director xeral de Comercio e Consumo, Gabriel Alén, asistiu á presentación do informe GEM 2023-2024, elaborado pola Universidade de Santiago de Compostela en colaboración coa Confederación de Empresarios de Galicia (CEG) e o Goberno galego
• O documento reflicte que un 45% da poboación emprendedora ten entre 35 e 44 anos e que case un 50% orienta a súa actividade a empresas de servizos ao consumidor
• Ademais recolle unha análise pormenorizada sobre o emprendemento no rural coa finalidade de potenciar a creación de negocios vencellados ao territorio a prol da xeración de oportunidades

A Xunta leva os seus 'Outonos cooperativos' á praza de abastos de Santiago para poñer en valor a fórmula cooperativa de cara á xeración de riqueza e emprego

Santiago de Compostela, 19 de novembro de 2024 O secretario xeral de Emprego e Relacións Laborais, Pablo Fernández, e o director xeral de Comercio e Consumo, Gabriel Alén, participaron hoxe na praza de abastos de Santiago de Compostela nun novo encontro de Outonos cooperativos, unha iniciativa da Xunta que busca visibilizar as cooperativas como fórmula económica solidaria e pegada ao territorio a través de experiencias reais. Os representa...

A Xunta aposta pola dinamización das peixerías tradicionais a través da innovación e a adaptación ás novas tendencias de consumo

• A Consellería do Mar está desenvolvendo cursos en colaboración con Fedepesca co obxectivo de introducir nestes establecementos novos produtos e servizos co obxectivo de atraer a novos clientes
• Alfonso Villares visita a acción formativa realizada na Escola de Hostalaría Carlos Oroza onde destaca o papel das peixerías tradicionais como divulgadoras da calidade e beneficios para a saúde que hai detrás do consumo dos alimentos mariños
• Estas formacións, que xa se celebrou en Santiago de Compostela e está previsto que se realice outra en Coruña e Lugo a vindeira semana, están dirixidas tanto a profesionais en activo como a alumnado de formación profesional

A Xunta afonda nas microformacións a demanda do tecido comercial para seguir incrementando a súa competitividade e fortalecendo o sector

O Barco de Valdeorras (Ourense), 17 de novembro de 2024 O director xeral de Comercio e Consumo, Gabriel Alén, participou esta mañá na apertura dun curso formativo sobre escaparatismo dirixido ao comercio asociado ao centro comercial aberto do concello do Barco de Valdeorras, O Barco Aberto. Esta iniciativa de microformacións a demanda impulsadas pola Xunta súmase a outras similares xa realizadas co tecido comercial de Vigo e de Lalín, na p...

Máis de 178.000 alumnos de 670 centros participarán este curso nos 45 programas educativos da Xunta integrados no Plan Proxecta

• A iniciativa comprende as iniciativas didácticas que ofertan as consellerías do Goberno galego en colaboración con outras institucións
• No seu desenvolvemento implicaranse máis de 7.700 docentes

A Xunta apoia a Festa da Xuventude de Meira, que se celebra mañá con música, xogos, sorteos e unha comida popular

• O delegado territorial, Javier Arias, explica que o recinto festivo contará cunha das foodtrucks da campaña da Consellería do Mar para promocionar os peixes e mariscos galegos                                                      

A Xunta contribúe ao impulso e dinamización das vendas de Nadal do comercio local de Vigo

• O director xeral de Comercio e Consumo, Gabriel Alén, acompañado da delegada territorial da Xunta en Vigo, Ana Ortiz, participou hoxe na presentación da campaña Nadal en Zona Náutico

A Xunta avanza no fortalecemento do tecido comercial de Mos a través do diálogo social e do apoio ao sector a través do labor da rede de polos

• O director xeral de Comercio e Consumo, Gabriel Alén, xunto coa alcaldesa do concello de Mos, Nidia Arévalo, participou esta mañá na xuntanza da mesa local de comercio da localidade, para seguir impulsando o sector a través do diálogo e a escoita activa
• Ademais, tamén na localidade pontevedresa, interviu na xornada Conectando o Polo co sector comercio: Impulsando unha asociación de comerciantes, organizada pola oficina de emprendemento e apoio ao emprego do Porriño

A Xunta salienta os vencellos culturais e lingüísticos entre Galicia e Portugal como ponte coa comunidade lusófona integrada por 270 millóns de persoas

• O representante da Consellería de Cultura, Lingua e Xuventude pon en valor o papel relevante nestas relacións do Observatorio da lusofonía Valentín Paz Andrade
• Enxalza a "gran vantaxe" da proximidade lingüística dos dous territorios á hora de facilitar o consumo cultural en ambos os dous idiomas

A Xunta participa no desenvolvemento dun corredor tecnolóxico transfronteirizo de mobilidade de hidróxeno renovable

• O director xeral de Planificación Enerxética e Minas, Pablo Fernández Vila, intervén no acto divulgativo sobre o proxecto HI MOV na sede do Cetmar en Vigo
• Incide na importancia de proxectos europeos como este que afonden nas aplicacións do hidróxeno e fomenten a cooperación entre territorios
• Destaca a aposta da Xunta por un proceso de transición enerxética gradual e planificada que non deixe a ninguén atrás

Artesanía, saber e sabor promocionará en Ribadavia a artesáns e produtos de calidade diferenciada para dinamizar o comercio local

• Esta acción abranguerá un mercado de Nadal de Artesanía Alimentaria e de Artesanía de Galicia, entre outras actividades que se celebrarán no casco histórico da vila, empregando tamén locais comerciais en desuso e a igrexa da Magdalena
• O evento serve como arranque do proxecto Vilas Vivas, que aposta pola dinamización de cabeceiras de comarcas a través de sinerxías entre gastronomía, comercio e turismo, ofrecendo novas experiencias a veciños e visitantes de fin de semana
• O mercado de Nadal de Ribadavia é un dos catro organizados pola Xunta para potenciar o selo de Artesanía Alimentaria; os outros tres terán lugar en Santiago de Compostela, Lugo e Vigo, todos eles antes de fin de ano
• Ademais da comercialización de produtos englobados nos selos de Artesanía Alimentaria e Artesanía de Galicia, os asistentes poderán participar en catas, degustacións, obradoiros dirixidos a familias e profesionais, baile ou música

A Xunta impulsa as enerxías limpas coma o hidróxeno verde para situar Galicia á vangarda da transición enerxética

• O director xeral de Planificación Enerxética e Minas, Pablo Fernández Vila, inaugura a IX Xornada sobre Hidróxeno Verde en Galicia (H2GAL 2024) que reúne a máis de 120 representantes de toda a cadea de valor
• Destaca a importancia do hidróxeno verde para Galicia e a política da Xunta para favorecer unha implantación axeitada e ordenada dos proxectos enerxéticos no territorio

A Xunta recibe o premio 'Personaje del Año' polo seu labor de apoio á artesanía de Galicia

• O director xeral de Comercio e Consumo, Gabriel Alén, recolleu esta tarde en Madrid o galardón na categoría "Artesanía" outorgado polo semanario Fuera de Serie, do grupo Unidad Editorial
• Durante a súa intervención, Alén destacou que Artesanía de Galicia é unha marca consolidada e que se atopa na vangarda das tendencias contemporáneas que apostan polas producións locais, polo consumo consciente e pola sustentabilidade
• Entre as medidas do goberno galego para apoiar o sector destacou o programa formativo 'Aprender da tradición. Oficios e técnicas' ou o proxecto 'Artesanía no Prato', que explora sinerxías coa gastronomía e o comercio de proximidade

Medio Rural ultima a Estratexia do sector da planta ornamental e a flor cortada para impulsar un eido no que Galicia é unha potencia nacional

• A conselleira María José Gómez visitou este mediodía Viveiros Compostela, unha empresa familiar situada no concello coruñés de Boqueixón e que está considerada como a principal produtora de planta de tempada na nosa comunidade
• A Estratexia impulsada pola Xunta en colaboración co sector ten como principal obxectivo avanzar na produción sustentable, respectuosa co medio ambiente e que xere riqueza e oportunidades no rural
• A facturación da produción de planta en Galicia rolda os 48 millóns de euros anuais e a nosa comunidade ocupa a quinta posición entre as autonomías máis exportadoras

A Xunta incrementa os fondos destinados á internacionalización, mellora da comercialización e promoción dos produtos do mar un 80% ata os 20 millóns de euros no 2025

• No 2024 estes fondos foron incrementados un 30% superando os 11 millóns de euros o que permitiu atender a expansión da actividade das feiras e a dinamización específica dos produtos de calidade diferenciada   
• A Consellería do Mar asinou convenios con entidades referentes do sector por valor de preto de 736 mil euros para mellorar a estrutura comercial e organizativa dos produtos do mar de Galicia

A Xunta avanza na consolidación dunha rede galega de 'Mercados Excelentes' co apoio a preto dunha trintena de concellos con interese en contar co selo

• O Diario Oficial de Galicia (DOG) publicou a resolución da Consellería de Emprego, Comercio e Emigración cos beneficiarios da orde para fomentar este selo de excelencia, con case 700.000 € para 28 municipios dos que só dous están provistos xa co distintivo
• O obxectivo é promover, por un lado, actuacións dirixidas ao mantemento e mellora dos Mercados Excelentes existentes e, por outro, accións de mentorización, de formación ou obras de construción para que outros poidan acadar este selo
• Na convocatoria que se vén de resolver, resultaron beneficiarias tamén 19 asociacións e federacións de prazas de abastos -dun importe próximo aos 200.000 euros- para a dinamización comercial e mantemento das súas webs de venda electrónica

José González pon a simplificación das axudas específicas para autónomos como exemplo do compromiso da Xunta con este colectivo

• Expuxo que se unificarán nunha orde de 40 millóns de euros proxectada para o 2025 e que é unha medida sobre a que se avanza no marco da Mesa do Traballo Autónomo
• Salientou os máis de 32 millóns de euros proxectados o vindeiro ano para impulsar o emprendemento, con especial apoio ás persoas traballadoras por conta propia
• Apelou a seguir traballando da man entre o Goberno galego e o sector no deseño de medidas enfocadas a favorecer a remuda xeracional e a reter talento mozo para o que no vindeiro ano o Executivo galego lanzará a Estratexia mocidade activa
• Fixo fincapé no peso do colectivo de autónomos na comunidade galega sobre o total de afiliados, destacando que está tres puntos por riba da media estatal

A Xunta avanza no proceso participativo de elaboración do Plan estratéxico do comercio para telo listo no primeiro trimestre de 2025

Santiago de Compostela, 8 de novembro de 2024 O director xeral de Comercio e Consumo, Gabriel Alén, destacou hoxe na Comisión 6ª de Industria, Enerxía, Comercio e Turismo do Parlamento que o Goberno galego continúa avanzando no proceso participativo de elaboración do Plan estratéxico do comercio de Galicia 2025-2030 para telo listo no primeiro trimestre do ano próximo e seguir dinamizando e dándolle pulo ao tecido comercial galego. Segu...

A Xunta promove na 'Maker Faire Galicia' a conexión das novas xeracións cos oficios artesanais

• O director xeral de Comercio e Consumo, Gabriel Alén, participou na mesa inaugural da I Xornada de oficios Revitalizando a tradición, que se celebra hoxe en Santiago de Compostela, no marco da X Maker Faire Galicia
• A xerente da Fundación Artesanía de Galicia, Elena Fabeiro, participará nunha mesa redonda sobre novos materiais con Attua Aparicio, Mauro Trastoy e Francisco Guitián
• Na programación constan recoñecidos profesionais de Artesanía de Galicia como a zoqueira Elena Ferro (Premio Nacional de Artesanía 2019) ou Fran Millán (Premio Artesanía de 2023)
• Están previstos tamén obradoiros de iniciación á estampaxe con Amor ó teu (Ames), de coiro con Mocao Artesanía (Oleiros) e de cianotipia e mamorlado, con Peixesapop (Vigo), entre outras actividades

A Xunta investirá en 2025 preto de 71 M€ en obras en centros educativos, un 13% máis

• A folla de ruta do Goberno galego para a modernización dos centros inicia unha segunda fase con 200M€ para os próximos catro anos
• A intervención en Oroso ten un orzamento de máis de 310.000€ e vai dirixida a mellorar o confort térmico e a eficiencia enerxética do centro

A Xunta investirá en 2025 preto de 71 M€ en obras en centros educativos, un 13% máis

• A folla de ruta do Goberno galego para a modernización dos centros inicia unha segunda fase con 200M€ para os próximos catro anos
• A intervención en Oroso ten un orzamento de máis de 310.000€ e vai dirixida a mellorar o confort térmico e a eficiencia enerxética do centro

A Xunta analiza coa Federación Galega de Xoiería medidas para promover o comercio local e a remuda xeracional neste sector

Santiago de Compostela, 6 de novembro de 2024 O conselleiro de Emprego, Comercio e Emigración, José González, acompañado polo director xeral de Comercio e Consumo, Gabriel Alén, abordou hoxe nunha xuntanza con representantes da Federación Galega de Xoiería medidas para promover o comercio local e a remuda xeracional neste sector.  Nesta liña, no encontro incidiron na importancia do Plan de comercio de Galicia 2025-2030 que se está a el...

A Xunta participa na presentación da campaña 'Nadal en Vilanova: merca, rasca e gaña' para dinamizar as vendas no comercio local

Vilanova de Arousa (Pontevedra), 6 de novembro de 2024 O director xeral de Comercio e Consumo, Gabriel Alén, participou hoxe na presentación da campaña Nadal en Vilanova: merca, rasca e gaña, organizada pola Asociación de comerciantes de Vilanova de Arousa e que terá lugar do 9 de decembro ao 5 de xaneiro para dinamizar o comercio local e fomentar as compras de proximidade. En compañía do alcalde da localidade, Gonzalo Durán, Alén anim...

Belén do Campo anima aos coruñeses a aproveitar os descontos desta nova edición do Bono Activa Comercio dotada con 2,5 M€

• Os bonos descargados poderanse utilizar ata que o importe total dos descontos realizados en compravendas alcance o orzamento da convocatoria
• As edicións anteriores desta iniciativa contribuíron á reactivación das vendas no comercio local e a incentivar a demanda das persoas consumidoras, mobilizándose no sector comercial retallista máis de 77 millóns de euros
• Esta iniciativa enmárcase nas medidas do Goberno galego para revitalizar o comercio de proximidade, obxectivo polo que está a elaborar o Plan estratéxico do comercio de Galicia 2025-2030 que se prevé ter listo no primeiro trimestre do ano que vén

Galicia impulsa unha estratexia pioneira a nivel nacional para reducir o nivel de exposición da cidadanía ao gas radón

• Crearase unha comisión interdepartamental, adscrita á Consellería de Sanidade, para coordinar e impulsar as políticas públicas en relación ao gas radón, cunha oficina técnica encargada da execución das iniciativas
• A Xunta medirá os niveis do radón en centros sanitarios, educativos, sociosanitarios e fomentará a medición nos fogares e centros de traballo privados
• Iniciarase a recollida de información relacionada coa exposición ao radón no ámbito laboral e domiciliario para ser incorporada á carpeta persoal e á historia clínica de cada paciente
• Impulsarase a investigación de excelencia entre a saúde pública e outras áreas de coñecemento, en colaboración coas universidades galegas
• A exposición a niveis elevados de radón no interior das vivendas é o primeiro factor de risco para padecer cancro de pulmón en persoas que nunca fumaron
• Galicia intensifica o esforzo para reducir a incidencia do cancro de pulmón, que xa se materializa en iniciativas como o proxecto piloto do cribado na área sanitaria da Coruña e Cee

A Xunta activa unha nova edición dos Bonos Activa Comercio dotada con 2,5 M€ para seguir impulsando as vendas nos negocios locais

• José González destacou o impacto desta iniciativa que xa leva máis de 6.100 negocios adheridos nas catro provincias e que prevé mobilizar 12 millóns de euros en vendas cuns 72.000 bonos de desconto descargados en apenas dez horas
• Os bonos, que se poden descargar desde hoxe, poderanse utilizar ata que o importe total dos descontos efectivamente realizados en compravendas alcance o orzamento da convocatoria
• O conselleiro lembrou que esta é unhas medidas integradas no Plan Estratéxico de Comercio 2025-2030, actualmente en proceso de elaboracion co sector e que se presentará no primeiro trimestre de 2025
• Destacou que a aposta estratéxica polo comercio nos orzamentos do vindeiro ano tamén se reflicte no impulso de novos proxectos de dinamización como Vilas vivas, cun primeiro piloto efémero en Ribadavia

A Xunta pon en valor a castaña e o cogomelo como os produtos alimentarios de referencia no outono

Riós (Ourense), 3 de novembro de 2024 O director xeral de Planificación e Ordenación Forestal, José Luis Chan; o director xeral de Comercio e Consumo, Gabriel Alén; e o delegado territorial da Xunta de Galicia en Ourense, Manuel Pardo; asistiron hoxe á XXIX Festa da Castaña e do Cogomelo que se celebra na localidade ourensá de Riós. Alí puxeron en valor estes produtos alimentarios, que son referentes na tempada de outono, e a importanc...

A Xunta asina un convenio co concello de Beariz para renovar a cuberta do centro social de Muradás

• O Executivo autonómico, a través do Consorcio Galego de Servizos de Igualdade e Benestar, destina unha partida de máis de 48.000 euros a esta actuación

A Xunta supervisa os últimos detalles do proxecto para construír o novo instituto de Vigo

• Román Rodríguez reúnese cos estudos de arquitectura encargados da redacción do proxecto, que cumpren así coa previsión da entrega no mes de outubro
• Unha vez remate a revisión da documentación, licitarase a obra co obxectivo de adxudicala e poder comezar a construción do centro no vindeiro ano 2025

A Xunta avanza na súa colaboración co Concello de Covelo para impulsar a xeración de emprego e o comercio neste concello pontevedrés

Vigo, 2 de novembro de 2024 O conselleiro de Emprego, Comercio e Emigración, José González, acompañado polo director xeral de Comercio e Consumo, Gabriel Alén, reuniuse co alcalde de Covelo, Juan Pablo Castillo, co gallo de avanzar na colaboración entre a Xunta e este concello pontevedrés. O obxectivo, dinamizar a xeración de emprego e riqueza nesta localidade a través do mantemento e creación de actividade empresarial, nomeadamente ga...

Gómez Caamaño avanza que Galicia volverá ser pioneira o vindeiro ano coa entrada en vigor da lei que equipará os vapeadores ao tabaco convencional

• O titular de Sanidade destacou as iniciativas postas en marcha pola Xunta para promover unha sociedade libre de tabaco, como o Plan Inspira Saúde ou as redes de portos, parques e praias sen fume
• O departamento sanitario galego realizou a entrega de diplomas aos concellos que adheriron os seus parques a este programa que promove a Dirección Xeral de Saúde Pública
• Nos últimos anos a prevalencia do tabaquismo diminuíu entre a poboación adulta galega do 17% ao 15%, mentres que se incrementa entre mocidade, ao pasar do 7,4% ao 8,2%
• O Executivo galego agarda que, para o ano 2027, o consumo diario de tabaco entre a poboación adulta caia por debaixo do 15% e no caso da mocidade por debaixo do 5%
• Incidirase en actividades preventivas para a mocidade nos centros educativos galegos, con programas como "Saúde na Escola", "Clases sen fume" ou un novo, "Construíndo Saúde", dirixido ao alumado de secundaria

A Xunta prevé chegar en novembro co seu proxecto piloto de reclamación dixital a un cento de supermercados e en 2025 á electricidade e á telefonía

• González puxo en valor este sistema de reclamacións a partir dun código QR, apostando pola simplicidade, axilidade e eficacia en favor das persoas consumidoras 
• Enmarcou a iniciativa no importante labor do Instituto Galego do Consumo e da Competencia, que cumpre 30 anos e que destaca especialmente polo seu Laboratorio de Consumo, líder no control de produtos e referente nacional e internacional
• O labor do IGCC verase reforzado o ano vindeiro cun orzamento de 7,4 M€, do mesmo xeito que se continuará a potenciar o comercio como eixe económico fundamental