A Xunta cuestiona o Decreto estatal e avoga por unha maior presenza dos produtos pesqueiros nas escolas seguindo as recomendacións da OMS e Aesan
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A secretaria xeral técnica da Consellería do Mar destacou nun coloquio sobre esta norma prexudica a un sector estratéxico para a comunidade reducindo o consumo do peixe e marisco nos consumidores do mañá
- Tamén puxo en valor iniciativas autonómicas como o Bono Peixe ou a campaña GALICIA SABE AMAR que reforzan a promoción destes alimentos entre os consumidores
Estas imágenes pertenecen a Página Oficial de la Xunta de Galicia
Vigo, 10 de xullo de 2025
A secretaria xeral técnica da Consellería do Mar, Marta Barreiro, participou este xoves nunha mesa coloquio organizada pola Unión de Consumidores de Galicia e ea Confederación ConsumES para analizar el impacto do novo Real Decreto 315/2025, que redefine o marco normativo dos menús escolares a nivel estatal. Alí, manifestou a oposición do Goberno galego a unha norma que contradí a recomendación da Axencia Española de Seguridade Alimentaria e Nutrición (Aesan) de consumir pescado «un mínimo de tres veces por semana» en liña cos estándares da Organización Mundial da Saúde (OMS).
Acompañada polo secretario xeral Técnico de Educación, Ciencia, Universidades e Formación Profesional, Manuel Vila, o director xeral de Familia, Infancia e Dinamización Demográfica, Jacobo Rey, o director da Axencia Galega da Calidade Alimentaria, Martín Alemparte e a xerente do Instituto Galego do Consumo e da Competencia, Sol Vázquez, subliñou que esta norma tamén supón unha afronta ao sector pesqueiro, esencial para garantir a soberanía alimentaria da cidadanía.
Nesta liña, a secretaria xeral destacou que o entorno escolar é esencial á hora de inculcar á mocidade bos hábitos alimenticios xogando un papel clave neste ámbito. Por iso, dixo, resulta incomprensible que se limite a presenza dos produtos pesqueiros, ricos en proteína e Omega 3, con importantes beneficios para a saúde dos consumidores.
Unha actuación, a do Goberno central, que contrastou coa da Xunta impulsando medidas de promoción do consumo como o recente Bono Peixe que pretende corrixir a tendencia negativa da última década cunha redución da presenza destes alimentos nos fogares da comunidade nun 24%. Iniciativas que terían un maior impacto se o Estado accedera a rebaixar o IVE a estes produtos como sinalan estudos das universidades galegas, as institucións comunitarias ou a experiencia positiva da veciña Portugal.
