A Xunta traslada ao comisario de pesca a dimensión socioeconómica do conxunto da cadea mar-industria e o seu impacto na principal rexión pesqueira de Europa
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A responsable autonómica puxo en valor a cogobernanza que rixe na xestión pesqueira da comunidade como modelo de éxito e avogou por implantalo a nivel comunitario integrando ás rexións altamente dependentes da pesca na toma de decisións
- A titular de Mar tamén defendeu a necesidade de manter no próximo marco financeiro un fondo comunitario específico para asuntos pesqueiros como o actual Fondo Europeo Marítimo, de Pesca e de Acuicultura
- A flexibilización e adaptación das normativas europeas, o reforzo das accións dirixidas a garantir a remuda xeracional, a protección da pesca artesanal ou a aplicación dos principios do level playing field no comercio pesqueiro entre as demandas do sector
Estas imágenes pertenecen a Página Oficial de la Xunta de Galicia
Vigo, 11 de abril de 2025
Con motivo da visita do comisario europeo de Pesca e Océanos, Costas Kadis, a Galicia, hoxe celebrouse en Vigo o Consello Galego de Pesca no que o sector tivo a oportunidade de trasladar directamente as súas demandas ao responsable comunitario. A conselleira do Mar, Marta Villaverde, presidiu o encontro no que manifestou a importancia da presenza do responsable comunitario en Galicia xa que serviu para trasladar de primeira man a dimensión da cadea mar-industria galega e o seu impacto na principal rexión pesqueira de Europa.
No encontro, Marta Villaverde destacou xunto ao sector a necesidade de acometer unha reforma da Política Pesqueira Común (PPC) que garanta o equilibrio entre os factores económicos, sociais e ambientais. O obxectivo debe ser garantir a sostibilidade presente e futura da pesca que xoga un papel determinante como provedor de alimentos de máxima calidade contribuíndo á soberanía alimentaria de todo o continente.
A titular de Mar puxo en valor a cogobernanza que rexe na xestión pesqueira da comunidade e que situou como un modelo de éxito destacando ao Consello Galego de Pesca como o maior expoñente de esa estreita colaboración entre Administración autonómica e o propio sector. Nesta liña, avogou por implantar o modelo galego a nivel comunitario integrando ás rexións altamente dependentes da pesca e ás principais entidades sectoriais na toma de decisións que teñen lugar en Bruxelas.
A responsable autonómica tamén defendeu a necesidade de manter no próximo marco financeiro da Unión un fondo específico para asuntos pesqueiros como o actual Fondo Europeo Marítimo, de Pesca e de Acuicultura (Fempa). Unha ferramenta que cualificou como imprescindible para garantir a viabilidade do sector, reforzar a súa competitividade, velar pola seguridade alimentaria e facelo mais resiliente. Galicia, como principal rexión pesqueira de Europa, é unha das principais beneficiarias destes recursos que fan posible o desenvolvemento de accións que afondan na competitividade e sustentabilidade do sector así como o impulso da economía azul cun especial impacto nas comunidades costeiras.
A conselleira do Mar recordou que foi precisamente no Consello Galego de Pesca onde foi consensuado este mesmo ano o Decálogo Estratéxico de Galicia na defensa dos seus intereses ante a revisión da PPC. Un documento no que Galicia asume con responsabilidade o seu liderado no ámbito pesqueiro aportando solucións aos desafíos aos que se enfronta a pesca. Unhas propostas que parten da experiencia e coñecemento acumulado da Administración autonómica e sector que poñen ao servizo da Comisión Europea.
Demandas do sector
A flexibilización e adaptación das normativas europeas a realidade da actividade pesqueira e a aplicación dos principios do level playing field no comercio pesqueiro foron algunhas das demandas do sector. Nesta liña, abordouse a necesidade dun tratamento máis específico e dotar dunha maior protección á pesca artesanal dado que representa de xeito singular a explotación sostible dos recursos mariños e o consumo de proximidade e, polo tanto, con baixa pegada de carbono.
A remuda xeracional foi outra das necesidades trasladadas. A conselleira do Mar destacou o labor da Xunta neste punto con centros de formación autonómicos que son referencia nacional e internacional. Con todo, indicou que é preciso traballar por achegar a actividade ás novas xeracións, mellorar as condicións de traballo e ampliar as políticas de captación de novo talento máis alá da frota senón que ao conxunto da cadea mar-industria. Unha liña de traballo que exixe a coordinación e o compromiso do conxunto dos axentes implicados.
Promoción consumo
Nun contexto de progresivo descenso do consumo dos produtos pesqueiros, tamén requiriuse a participación e compromiso da Comisión no deseño e realización de medidas que permitan reverter a tendencia dos últimos anos. Os alimentos mariños teñen unhas propiedades nutritivas que os fan indispensables no marco dunha dieta equilibrada contribuíndo a mellorar a saúde e benestar dos consumidores. Neste punto, Marta Villaverde destacou o Bono Peixe como acción pioneira e as campañas de promoción como GALICIA SABE AMAR cofinanciadas co Fempa.
Desde a industria transformadora reiterouse a petición de establecer un marco normativo que evite a etiquetaxe e comercialización de produtos de orixe vexetal con termos que inducen aos consumidores a pensar que son produtos pesqueiros. Unha práctica que dana os intereses comerciais do sector e priva á cidadanía dunha etiquetaxe clara, veraz e transparente.
