A Xunta ten en marcha a campaña ´Traballo e calor´ para reforzar a seguridade laboral en tempos de altas temperaturas
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A campaña do Instituto de Seguridade e Saúde Laboral de Galicia (Issga) pon o foco na necesidade de descanso, aclimatación, boa alimentación e hidratación no desenvolvemento de tarefas en períodos de calor extremo
- A través da información e a concienciación, procúrase crear contornas laborais máis seguras e saudables para as persoas traballadoras
- A maiores, o Issga participa na campaña estatal de prevención de riscos derivados de fenómenos adversos, na que insta ás organizacións galegas a participar activamente reforzando así a mensaxe preventiva e o coidade da saúde laboral
Estas imágenes pertenecen a Página Oficial de la Xunta de Galicia
Santiago de Compostela, 4 de xullo de 2025
A Xunta de Galicia, a través do Instituto de Seguridade e Saúde Laboral de Galicia (Issga), ten en marcha a campaña Traballo e calor co obxectivo de sensibilizar tanto a empregadores como a traballadores sobre os riscos asociados ás altas temperaturas no ambiente laboral, especialmente durante os meses de verán.
As altas temperaturas representan un factor de risco significativo durante a xornada laboral, sendo o estrés térmico un dos principais perigos a ter en conta. Este fenómeno xérase cando o corpo non é capaz de regular a súa temperatura debido a unha combinación de factores, como a carga de traballo, as condicións ambientais e a resposta fisiolóxica do organismo. Isto é particularmente importante cando se realizan tarefas ao aire libre, cando se usan equipos de protección individual (EPI) ou cando as persoas traballadoras se expoñen durante longos períodos a altas temperaturas.
Neste sentido, o Issga recomenda varias medidas preventivas para mitigar os efectos do calor extremo. Entre elas, destácase a importancia de realizar pausas regulares para descansar, hidratarse frecuentemente -aínda que non se teña sede-, evitar o consumo de bebidas alcohólicas, café ou alimentos pesados durante a xornada, e usar vestimenta adecuada, como roupa lixeira e de tecidos naturais, así como protexer a cabeza cun sombreiro para evitar a exposición directa ao sol.
Comunicación e asesoramento para garantir a seguridade dos traballadores
A campaña tamén destaca a necesidade de que os traballadores comuniquen calquera síntoma relacionado co estrés térmico aos seus superiores, e que as empresas adopten as medidas necesarias para garantir a seguridade e benestar das persoas empregadas. O Issga proporcionará asesoramento técnico e responderá ás consultas sobre o traballo en condicións de altas temperaturas, co fin de crear ambientes laborais máis seguros e saudables.
A través desta iniciativa, a Xunta busca reforzar a concienciación colectiva sobre a importancia de adoptar boas prácticas e medidas preventivas para garantir a saúde e a seguridade das persoas traballadoras en condicións de calor extrema.
Colaboración a nivel estatal
O Issga atópase adherido á campaña de sensibilización impulsada polo Instituto Nacional de Seguridade e Saúde no Traballo (Insst), enfocada na prevención de riscos derivados dos fenómenos meteorolóxicos adversos (FMA). A campaña ofrece un espazo web no portal do Insst, que proporciona pautas e recomendacións sobre como afrontar riscos asociados a situacións extremas como calor, radiación ultravioleta, vento forte, xeo e neve, tanto para empresas como para persoas traballadoras.
A campaña tamén invita as organizacións galegas a participar activamente, facendo uso dos materiais divulgativos dispoñibles e, se o desexan, incorporando a súa imaxe corporativa. Esta iniciativa facilita unha maior implicación das entidades, reforzando así a mensaxe de prevención e coidado da saúde no ámbito laboral ante fenómenos meteorolóxicos extremo.
