Marta Villaverde destaca a capacidade da cadea mar-industria galega para adaptarse ás tendencias do mercado e dar resposta ás necesidades do consumidor
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Sitúa a innovación e a atracción de talento como elementos clave para alcanzar o liderado nas vendas e un incremento no consumo, así como para reforzar a marca Galicia Calidade que dá un valor diferencial aos produtos capturados na costa galega
- Considera decisiva a colaboración público-privada para que a industria marítimo-pesqueira siga sendo referente en España en materia de sostibilidade económica e medioambiental
Vigo, 3 de xullo de 2025
A conselleira do Mar, Marta Villaverde, destacou na inauguración do II Fórum do Pescado e Produtos do Mar, organizado por Interempresas Media, a capacidade da cadea mar-industria de Galicia para adaptarse ás tendencias dun mercado cada vez máis globalizado e dar resposta con elo ás necesidades do consumidor.
Neste senso, afondou na importancia de fortalecer a cadea de valor coa aplicación da innovación e da tecnoloxía, e coa atracción do talento para alcanzar o liderado nas ventas e un incremento no consumo. Fórmulas que, en palabras da conselleira, reforzan a marca Galicia Calidade como valor diferencial vinculado á orixe dun produto de primeira calidade que é capturado nun entorno privilexiado como é o litoral galego.
Esta capacidade e esforzo é o que permiten que a Xunta, a través da Consellería do Mar, tamén estea impulsando políticas que contribúen á mellora das canles de comercialización, coa adquisición de novas formas loxísticas e coa dixitalización das rulas. É o caso, do proxecto Lonxas Galegas 4.0 que, coa colaboración da Axencia para a Modernización Tecnolóxica de Galicia (Amtega), este ano culminará a súa segunda fase, permitindo a dixitalización de 18 novas lonxas e 29 entidades pesqueiras.
Este compromiso empresarial e público é o que permite, destacou Villaverde, que a industria marítimo-pesqueira de Galicia sexa referente en España dende o punto de vista da sostibilidade económica e medioambiental.
Segunda edición
Co foco posto nestas cuestións, a sede de Afundación viguesa acolleu a segunda edición deste encontro no que a intelixencia artificial, a innovación e a estratexia comercial centraron o programa do mesmo.
Así, expertos, empresas e entidades clave abordaron o impulso do consumo dos produtos da cadea mar-industria dende a dixitalización ata a sostibilidade e a captación do talento. A xornada combinou intervencións especializadas con exposicións de profesionais da industria pesqueira e transformadora.
