A Universidade Austral da Arxentina acolle unha clase maxistral sobre a lei galega para o desenvolvemento e impulso da intelixencia artificial
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director da Axencia para a Modernización Tecnolóxica de Galicia explicou os contidos e obxectivos da Lei ao alumnado da Facultade de Dereito
- A sesión foi organizada pola Diplomatura de Dereito Sanitario, que coñeceu tamén o traballo desenvolvido polo Sergas para a aplicación dunha IA ética ao servizo das persoas e da saúde
Santiago de Compostela, 4 de agosto de 2025
O director da Axencia para a Modernización Tecnolóxica de Galicia (Amtega), Julián Cerviño, impartiu hoxe por videoconferencia unha clase maxistral dirixida ao alumnado de Dereito da Universidade Austral da Arxentina sobre Regular e implementar a intelixencia artificial no sector público: a experiencia de Galicia.
Tras explicar o papel da Amtega na coordinación e desenvolvemento da transformación dixital na Comunidade Autónoma, Julián Cerviño enmarcou a aprobación da lei de IA na aposta de Galicia pola especialización tecnolóxica na xestión ética e responsable dos datos. Neste sentido, indicou que esta lei establece un marco de goberno para o desenvolvemento e uso da IA na Administración pública rexional e afianza os dereitos de transparencia e supervisión humana, a igualdade, así como os mecanismos de tutela para facer valer os dereitos de protección de datos ou a revisión das decisións tomadas coa axuda desta tecnoloxía.
O director da Amtega destacou a visión comprometida de Galicia con respecto ao uso da intelixencia artificial, ao ter en conta que a ciencia e a tecnoloxía poden alterar valores e principios da sociedade. Así, explicou que dende a Xunta, "con independencia dos casos de uso e aplicacións da tecnoloxía, reafirmamos e protexemos os nosos principios e valores en canto á xestión pública, como a imparcialidade, a transparencia, a seguridade ou a responsabilidade".
A clase maxistral, aberta a todo o alumnado da Facultade de Dereito, foi organizada pola Diplomatura de Dereito Sanitario. O director da Amtega explicou o papel do Consello Técnico Asesor en Intelixencia Artificial e Espazo de Datos, como órgano colexiado creado para o asesoramento da Consellería de Sanidade e do Servizo Galego de Saúde (Sergas) no deseño e na proposta das políticas que impliquen o uso desta tecnoloxía. O seu obxectivo principal é garantir un uso ético e seguro da IA e da xestión dos datos.
Julián Cerviño expuxo algúns exemplos sobre o uso da IA no Sergas, como os algoritmos que axudan a interpretar lesións óseas ou musculares en radiografías; os dispositivos portátiles para facer ecografías que grazas á IA poden usarse na atención primaria; os sistemas para identificar casos de cancro e facer outro tipo de análises en mostras de anatomía patolóxica; o uso da IA nos cribados de cancro de mama; ou a análise das historias clínicas con IA para axudar ao persoal médico a decidir, entre outros.
