A Xunta mantén aberto o prazo para solicitar as axudas para o emprendemento feminino do programa Emega
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A convocatoria conta cun orzamento total de máis de 5M€ e o prazo para presentar as solicitudes permanecerá aberto ata o vindeiro 14 de agosto
- O plan conta con catro modalidades distintas e as achegas poden acadar ata os 42.000 euros en función do proxecto
Estas imágenes pertenecen a Página Oficial de la Xunta de Galicia
Cedeira (A Coruña), 31 de xullo de 2025
A delegada territorial da Xunta en Ferrol, Martina Aneiros, visitou hoxe o establecemento de ultramarinos que rexenta Jéssica Aneiros, unha das empresarias beneficiarias das axudas do programa Emega, para o fomento do emprendemento feminino na anterior convocatoria, que no seu caso percibiu do goberno galego unha subvención de 12.000 euros. Aneiros lembrou que este programa mantén aberto o prazo para presentar as solicitudes ata o próximo 14 de agosto e conta cun orzamento de máis de 5 millóns de euros que permitirá apoiar 350 proxectos de emprendemento feminino.
A delegada territorial explicou que a convocatoria recolle catro modalidades distintas: Emega Emerxe, con axudas de ata 22.000 euros para apoiar a posta en marcha de novas iniciativas empresariais; Emega Impulsa, con ata 17.000 euros de subvención, para favorecer a reactivación e a consolidación de empresas constituídas por mulleres, así como a implantación de medidas innovadoras para a mellora da competitividade; Emega Innova, con axudas de ata 42.000 euros para impulsar a implantación de proxectos de carácter innovador, no eido da investigación e da tecnoloxía; e Emega Concilia, que consiste nunha axuda complementaria ás anteriores modalidades para promover a conciliación da vida persoal, familiar e laboral, tanto das mulleres promotoras da iniciativa empresarial como das traballadoras por conta allea incorporadas á empresa.
"Apoiar o empoderamento económico e social das mulleres fomentando o emprendemento feminino é unha das liñas básicas de actuación da Xunta de Galicia no marco da igualdade de oportunidades", destacou Aneiros, quen tamén quixo lembrar que "a convocatoria deste ano do programa Emega presta un especial apoio ás mulleres que emprenden no rural, ás maiores de 55 anos e a aquelas que desenvolvan a súa actividade empresarial en sectores tradicionalmente masculinizados".
Na anterior convocatoria de 2024 do programa Emega foron case 400 as iniciativas empresariais apoiadas con cargo a estas achegas e un total de 830 empregos xerados grazas a este programa que no pasado ano rexistraba o maior número de solicitudes de todas as súas convocatorias.
