A Xunta recoñece o compromiso das comunidades galegas no exterior a través do programa Escolas Abertas
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Estas imágenes pertenecen a Página Oficial de la Xunta de Galicia
Santiago de Compostela, 11 de xullo de 2025
O secretario xeral da Emigración, Antonio Rodríguez Miranda, visitou hoxe no Centro Superior de Hostalaría de Galicia (CSHG), en Santiago de Compostela, aos 44 participantes do programa Escolas Abertas, que están a recibir formación presencial especializada en distintas disciplinas da cultura tradicional galega. Este grupo está composto por 36 docentes procedentes de entidades galegas da América e outros 8 de Europa e do resto de España, cunha media de idade de 35 anos, todos eles comprometidos coa difusión e preservación da identidade galega no exterior.
Durante a súa visita, Miranda puido comprobar de primeira man o desenvolvemento das clases presenciais que se imparten nesta edición, centradas en disciplinas como o baile tradicional, a confección de traxes ou a música galega, e que contarán ademais coa participación de recoñecidos músicos galegos ao longo da semana. O secretario xeral destacou o valor deste programa, que leva varias décadas de traxectoria, como unha ferramenta esencial para dinamizar as comunidades galegas de Europa e América e garantir a súa participación activa na vida cultural e social de Galicia. Ademais, Miranda asistiu aos ensaios que o grupo está a preparar para a actuación desta noite no programa Luar da Televisión de Galicia, unha oportunidade para dar visibilidade ao labor destas comunidades.
