A Xunta reforza os vínculos da mocidade galega do exterior coa súa orixe a través das artes escénicas
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Estas imágenes pertenecen a Página Oficial de la Xunta de Galicia
O Grove (Pontevedra), 9 de xullo de 2025
A antiga salgadeira de Punta Moreiras, no Grove, acolleu un pase especial da obra Costa da Morte, cartografía dun naufraxio, dirixido ao alumnado participante no programa Escolas Abertas. A obra, unha coprodución do Centro Dramático Galego interpretada por Mariña Lestón, ofreceu unha posta en escena íntima e conmovedora, baseada en historias reais de naufraxios, salvamentos e tradición oral da Costa da Morte. A través do teatro e da música, os asistentes tiveron a oportunidade de conectar co patrimonio inmaterial galego desde unha perspectiva artística e emocional.
O acto contou coa presenza do secretario xeral da Emigración, Antonio Rodríguez Miranda, quen salientou a relevancia de iniciativas coma esta para fortalecer o vínculo emocional, cultural e identitario da mocidade galega do exterior coa súa terra de orixe. Tamén participou na actividade o director da Axencia Galega das Industrias Culturais (Agadic), Jacobo Sutil, quen puxo en valor a colaboración institucional como ferramenta para levar as artes escénicas a espazos singulares e a públicos diversos.
