A Xunta comprométese a seguir traballando para que Galicia sexa un referente na atención ás vítimas de violencia de xénero
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Roberto Barba avanzou que o Executivo galego traballa na elaboración dun protocolo específico para a Policía Local para garantir a mellor intervención de proximidade
- Ademais, a Administración galega elabora o primeiro documento para combater a violencia de xénero nas mulleres con discapacidade
Estas imágenes pertenecen a Página Oficial de la Xunta de Galicia
Santiago de Compostela, 4 de xullo de 2025
O director xeral de Loita contra a Violencia de Xénero, Roberto Barba, compareceu esta mañá na Comisión 5º do Parlamento para facer balance das medidas de actuación da Xunta contra as violencias machistas. Durante a súa intervención, trasladou o compromiso do Executivo galego para seguir traballando para que Galicia siga sendo un referente na atención ás vítimas, con recursos e programas específicos.
O director xeral sinalou que os delitos sexuais e contra as mulleres rexistrados nos últimos anos sitúan a Galicia como unha das comunidades con menos casos rexistrados de violencia de xénero e de carácter sexual no conxunto do Estado. Con todo, Barba fixo fincapé na necesidade de seguir impulsando a colaboración interinstitucional, que é fundamental - sinalou- para previr e actuar ante calquera manifestación das violencias machistas.
Neste sentido, avanzou que o Executivo galego xa traballa na elaboración dun protocolo específico de actuación destinado ás Policías Locais e que recolle as pautas de actuación para garantir a mellor intervención posible na proximidade. Deste xeito, lembrou que a Xunta de Galicia tamén impulsa as mesas de coordinación locais. Nestes momentos, recalcou que estes recursos xa se estenden por máis de 160 concellos.
Así mesmo, o director xeral lembrou que a Xunta de Galicia está elaborando o primeiro protocolo específico para combater a violencia de xénero nas mulleres con discapacidade e que supón un paso máis na atención ás vítimas máis vulnerables e que tamén sofren as violencias machistas.
Roberto Barba tamén recordou os recursos cos que conta a comunidade galega tanto para a prevención como a sensibilización en materia de xénero. Así, volveu sinalar que Galicia foi o primeiro territorio en contar cunha prestación económica periódica anual para todas as vítimas de violencia machista. Tamén se referiu aos Centros de Información á Muller e os Quérote + que son imprescindibles, dixo, para ofrecer unha atención integral e de calidade a calquera muller que o precise.
