A Xunta apoia a proposta de poñer en marcha un centro de día de titularidade municipal en Teo
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A través dun convenio, financiouse con 180.000 euros a compra dun inmoble para adaptalo como servizo de atención diúrna
- O concello xa redactou o proxecto e iniciou o proceso para obter a autorización sectorial correspondente
Santiago de Compostela, 4 de xullo de 2025
O xerente do Consorcio Galego de Servizos de Igualdade e Benestar, Perfecto Rodríguez, explicou que o convenio de colaboración asinado en novembro do ano pasado co Concello de Teo por un importe de 180.000 euros tivo como finalidade financiar a compra dun inmoble para destinalo a centro de día público de titularidade municipal. Perfecto Rodríguez, compareceu esta mañá na Comisión 5ª de Sanidade, Política Social e Emprego do Parlamento de Galicia para dar conta deste acordo.
O xerente do Consorcio sinalou que o Concello solicitou axuda económica para a compra do inmoble e que, a tal fin, presentou o corresponde informe de valoración e o relativo á clasificación urbanística da parcela. Así mesmo, con posterioridade á sinatura do convenio, o ente local xustificou a adquisición coa escritura pública de compra-venda.
Ademais, Perfecto Rodríguez apuntou que o concello xa ten redactado o proxecto de acondicionamento do inmoble adquirido como centro de día e que nestes momentos está iniciando a tramitación do procedemento de autorización sectorial ante a Consellería de Política Social e Igualdade. Ao respecto, sinalou que este é un procedemento regulado que fan tanto empresas como concellos que promoven a construción dun centro destas características.
O xerente do Consorcio manifestou que foi o actual goberno local de Teo o que deu prioridade á construción dun centro de día público de titularidade municipal e que o anterior nunca promoveu esta opción. Neste sentido, lembrou que o anterior executivo de Teo propuxo no 2022 a construción dun centro social, para o que solicitou acollerse ao Plan de investimentos que está a desenvolver a Xunta en colaboración coa Fegamp, sendo finalmente desestimada a súa proposta.
Así mesmo, Perfecto Rodríguez aclarou que outros concellos gobernados por distintas cores políticas que están a promover centros de día municipais contan con fondos do devandito Plan de investimentos. Este é o caso de Toques ou Sobrado, que recibiron unha achega coa que financiarán o 100% dos seus novos centros de día.
Por último, o responsable do Consorcio puxo exemplos doutros concellos que tamén xa teñen en funcionamento centros de día de titularidade municipal, como Porto do Son ou Lousame, e outros que os están promovendo como Malpica de Bergantiños, Ramirás e Vilamarín.
