A Xunta apoia tres programas da Asociación de Xóvenes Emprendedores Lucenses para mulleres en situación de vulnerabilidade
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- As achegas, publicadas nas últimas semanas, suman 67.600 euros para o desenvolvemento de medidas de integración sociolaboral
Lugo, 2 de xullo de 2025
A Consellería de Política Social e Igualdade destina 67.600 euros a tres programas que impulsa a Asociación de Xóvenes Emprendedores Lucenses (Axel) dirixidos a mulleres en situación de vulnerabilidade. As achegas, publicadas no DOG nas últimas semanas, financian medidas de integración ou reintegración das mulleres ao mercado laboral como paso fundamental para lograr unha maior autonomía e o aumento da autoestima, contribuíndo a lograr a súa plena integración na vida económica e social.
En concreto, a Xunta apoia con 48.700 euros o desenvolvemento de accións específicas que favorezan a inserción sociolaboral de mulleres en situación de violencia de xénero, elaborando itinerarios de inserción personalizados e ofrecendo formación para o emprego, apoio á conciliación e unha axuda económica que lles facilite a participación na iniciativa. Atenderán a 20 usuarias en Lugo, Vilalba, A Pastoriza e Rábade, co compromiso de conseguir a inserción laboral de polo menos cinco delas.
Na mesma liña, a Consellería tamén aprobou unha achega de 8.200 euros para a proposta da entidade "Triple E: Empoderamento, Emprego e Emprendemento", que deseña proxectos de integración individuais para mulleres en situación de especial vulnerabilidade.
Igualmente, o Goberno galego achegou 10.600 euros para actuacións enmarcadas no Plan Corresponsables, orientado a favorecer a conciliación das familias con fillas e fillos de ata 16 anos de idade; teñen prioridade as familias monoparentais (de pai ou de nai) ou nas que existan outras responsabilidades relacionadas cos coidados, as mulleres vítimas de violencia, persoas con discapacidade ou persoas en risco de exclusión social.
