A Xunta destaca no Congreso Internacional de Economía Social o pulo de Galicia para posicionar este modelo en sectores como o tecnolóxico e o dixital
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Redondela (Pontevedra), 12 de xuño de 2025
A directora xeral de Traballo Autónomo e Economía Social, Marta Mariño, participou na inauguración da oitava edición do Congreso Internacional de Economía Social, que se celebra hoxe e mañá na illa de San Simón baixo o lema As empresas da economía social: desde a actividade tradicional cara á innovación tecnolóxica e social e organizado pola Facultade de Comercio da Universidade de Vigo.
Alí, a directora xeral puxo de relevo a aposta de Galicia a prol da economía social a través de múltiples medidas que converxen na Estratexia galega de Economía social. Con esta folla de ruta, que ten horizonte en 2027, o Goberno galego aspira a posicionar esta fórmula nos sectores verde, sustentable, industrial, tecnolóxico e dixital, ao tempo que contempla medidas para xerar 4.000 empregos e crear 400 novas entidades. Ademais, a directora xeral lembrou que para este ano a Consellería de Emprego, Comercio e Emigración ten orzados case 45 M€ neste eido.
