A Xunta felicita aos 120 alumnos que participaron nos cursos de formación sénior que imparte Ategal en Lalín
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director xeral de Maiores e Atención Sociosanitaria sinalou que estas accións formativas son un garante para o envellecemento activo e saudable
Lalín (Pontevedra), 11 de xuño de 2025
O director xeral de Maiores e Atención Sociosanitaria, Antón Acevedo, participou esta tarde na clausura do curso 2024/2025 das aulas sénior de Ategal en Lalín. Durante a celebración, felicitou aos 120 alumnos que formaron parte das diferentes formacións impartidas neste concello e que un ano máis contaron cunha gran acollida por parte da veciñanza.
Antón Acevedo fixo fincapé no traballo que desenvolve Ategal desde hai máis de catro décadas e sinalou que se trata dunha entidade de referencia no envellecemento activo. A través das súas actividades fomenta a participación dos maiores en diferentes eidos da sociedade e impulsa a súa formación para manterse activos.
O director xeral sinalou que este tipo de accións formativas son esenciais para garantir o envellecemento activo e saudable, ao tempo que se estimula a actividade cognitiva dos maiores e se prevén as situacións de dependencia. Por iso mesmo, lembrou que a Xunta de Galicia colaborou con esta entidade o pasado ano con máis de 190.000 euros, a través dun convenio, para seguir impulsando iniciativas que melloren o benestar dos maiores.
