A Xunta renova parte do mobiliario do seu centro de día para persoas maiores en Outes
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Destináronse 15.000 euros a adquisición de cadeiras para o comedor, butacas de descanso e equipos de televisión
Estas imágenes pertenecen a Página Oficial de la Xunta de Galicia
Outes (A Coruña), 11 de xuño de 2025
O xerente do Consorcio Galego de Servizos de Igualdade e Benestar, Perfecto Rodríguez, visitou hoxe o centro de día de Outes, pertencente á rede pública autonómica, no que se acometeu o ano pasado a renovación de parte do seu mobiliario. Perfecto Rodríguez estivo acompañado do alcalde do concello, Francisco Calo.
O novo mobiliario instalado neste servizo de atención diúrna forma parte das melloras que o ente autonómico leva a cabo nos seus centros ao longo de todo o ano. Neste caso, destináronse 15.000 euros para a compra de cadeiras para o comedor, butacas para o descanso dos maiores ou equipos de televisión.
O centro de día de Outes ten 30 prazas de capacidade e presta servizo ás familias deste concello e dos limítrofes, pois ten carácter comarcal. Na actualidade, conta con 24 persoas usuarias procedentes de Outes, Noia, Mazaricos e Negreira.
Colaboración institucional
Por outra banda, Perfecto Rodríguez puxo en valor a boa relación entre administracións para mellorar os equipamentos sociais da localidade. Nesta liña, o xerente trasladou ao alcalde a disposición da Xunta a colaborar co concello para un maior aproveitamento do inmoble que alberga o centro de día. A intención do rexedor municipal é darlle usos de carácter social a dúas plantas baleiras da edificación.
