A Xunta presenta a campaña 'Merca no teu comercio' para promover as vendas de proximidade co foco posto nos barrios e nos concellos do rural
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director xeral de Comercio e Consumo, Gabriel Alén, e o delegado territorial da Xunta en Ourense, Manuel Pardo, participaron na presentación da iniciativa enmarcada na colaboración do Goberno galego coa Federación Galega de Comercio
- A edición de 2025 desenvolverá 40 campañas de dinamización, 10 por provincia, entre os meses de xuño e novembro cunha duración de 15 días cada unha e un acto final de entrega de premios, comezando o vindeiro 15 de xuño
- Os participantes de cada unha das campañas entrarán no sorteo dos 1.000 euros distribuidos en 20 tarxetas prepago de 50 euros canxeables ata o 31 de decembro nos comercios minoristas das respectivas comunidades
Estas imágenes pertenecen a Página Oficial de la Xunta de Galicia
Ourense, 11 de xuño de 2025
O director xeral de Comercio e Consumo, Gabriel Alén, acompañado polo delegado territorial da Xunta en Ourense, Manuel Pardo, participou hoxe en Ourense na presentación da campaña Merca no teu comercio, posta en marcha pola Xunta e a Federación Galega de Comercio para estimular a demanda e poñer en valor o comercio de proximidade, especialmente nos municipios rurais galegos e nos barrios sen asociación comercial. No acto tamén estiveron presentes o presidente da Federación Galega de Comercio, José María Seijas, e a presidenta da Federación de Comercio de Ourense, Beatriz Gómez.
A iniciativa desenvolverase nas 4 provincias galegas con 10 campañas en cada unha delas, cunha duración de 15 días e rematando cunha entrega de premios. As accións de dinamización realizaranse entre o 15 de xuño e o 31 de outubro —ambos incluídos- e enmárcanse no convenio asinado entre a Xunta e a Federación Galega de Comercio para avanzar na innovación e dinamización do sector.
Nesta edición, os consumidores de A Coruña, Lugo, Ourense e Pontevedra que queiran participar na iniciativa deberán rexistrar a súa compra a través da páxina web www.mercanoteucomercio.com. Tamén poderá ser rexistrada polo comerciante a través da mesma plataforma, duplicando deste xeito a participación do consumidor e incrementando as posibilidades de gañar unha das 20 tarxetas prepago por valor de 50 euros que sortearánse en cada unha das campañas. Estas tarxetas poden ser canxeadas nos comercios minoristas das respectivas localidades ata o 31 de decembro deste ano.
Durante a presentación da campaña, o director xeral salientou que esta edición ten como novidade a estensión máis aló das grandes cidades e ademais contará con actos de entrega de premios en 40 localidades diferentes, chegando a máis de 60 asociacións de comerciantes e beneficiando os veciños e negocios de 80 municipios. Tamén resaltou a importancia de accións coma esta para impulsar a actividade comercial e asegurar o mantemento dos negocios promovendo a remuda xeracional.
