A Xunta publica mañá no DOG a orde de axudas a entidades de iniciativa social para financiar programas e servizos no ámbito da inclusión
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O orzamento desta nova convocatoria é de case 21 millóns de euros, un 6% máis que a anterior, e a súa vixencia é para o período 2025-2027.
Estas imágenes pertenecen a Página Oficial de la Xunta de Galicia
Santiago de Compostela, 8 de xuño de 2025
A Xunta publicará mañá luns no Diario Oficial de Galicia (DOG) unha nova convocatoria da orde de axudas a entidades de iniciativa social para financiar actividades de servizos sociais comunitarios e de inclusión social que desenvolvan entre este ano e o 2027. O seu orzamento é de 20,8 millóns de euros, un 6% máis con respecto á anterior convocatoria, que foi a de 2023-2025.
Desde o vindeiro martes, día 10, as entidades de iniciativa social terán un mes de prazo para acollerse a estas achegas, que están cofinanciadas parcialmente polo Fondo Social Europeo Plus 2021-2027.
Poderán destinar estes fondos ao funcionamento dos seus centros de inclusión e emerxencia social, como comedores sociais, albergues ou centros de acollida. Tamén están destinados a programas e actuacións que favorezan a integración e ao acceso ao mercado laboral de persoas inmigrantes e outras en situación ou risco de exclusión social.
Así mesmo, a convocatoria potencia novamente as medidas centradas na atención ás persoas sen fogar, cunha liña de achegas para apoialas e facilitar a súa inclusión residencial.
A Xunta volve darlle carácter plurianual a esta orde para responder ás necesidades das entidades, que deste xeito dispoñen dunha maior estabilidade na súa planificación e programación, e tamén reducen a súa carga administrativa. Na anterior convocatoria resultaron beneficiadas da mesma 104 entidades.
