Fabiola García felicita aos bancos de alimentos por impulsar a conciencia social e ambiental e por ser motor de solidariedade e compromiso
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- No acto, que contou coa participación de súa maxestade, a raíña dona Sofía, a conselleira gabou o labor medioambiental que realizan os bancos de alimentos, especialmente na loita contra o desperdicio alimentario
- Destaca que a Xunta destina anualmente máis de 131 M€ a apoiar programas de entidades destinados especificamente á cobertura de necesidades básicas e subliña a aposta de Galicia por reforzar as políticas de inclusión, especialmente na infancia
Estas imágenes pertenecen a Página Oficial de la Xunta de Galicia
Ourense, 29 de maio de 2025
A conselleira de Política Social e Igualdade, Fabiola García, puxo en valor o papel que xogan os bancos de alimentos como "motor de solidariedade e compromiso" ao tempo que impulsan a conciencia social e medioambiental. Así o asegurou na clausura do XXVIII Congreso Nacional da Federación Española de Bancos de Alimentos, un acto que contou coa participación da súa maxestade, a raíña dona Sofía, do delegado da Xunta en Ourense, Manuel Pardo, e do Presidente do Parlamento de Galicia, Miguel Santalices, entre outras autoridades.
Na súa intervención, a conselleira felicitou aos bancos alimentos polo "papel fundamental que xogan" na loita contra as desigualdades e no fortalecemento do tecido social. Sobre a situación de Galicia, lembrou que, segundo os datos do Instituto Nacional de Estatística, Galicia é a comunidade que máis reduciu en 2024 a taxa Arope, que mide o risco de pobreza e exclusión social. Actualmente, a taxa situase no 18,8%, a máis baixa da que se teñen datos e sete puntos por debaixo da media nacional.
No caso concreto da pobreza infantil, os datos da estatística da Plataforma da Infancia revelan que Galicia foi en 2024 a comunidade coa menor taxa de pobreza infantil de toda España. En doce meses, a comunidade galega reduciu esta taxa en 10 puntos, ata quedar no 16%, moi por debaixo da media estatal, que se sitúa no 34,1%.
Fabiola García insistiu en que estes datos "son positivos, pero non suficientes" e, para seguir avanzando, comprometeu o apoio da Xunta para continuar colaborando con bancos de alimentos, entidades sociais e organizacións do terceiro sector.
Neste sentido, destacou que o Goberno galego destina anualmente máis de 131 M€ para políticas de inclusión. Ademais, subliñou a aposta de Galicia por reforzar especialmente as medidas no eido da infancia. Traballando, deste xeito, por "unha Galicia máis xusta, cohesionada e solidaria, na que ninguén quede atrás".
A conselleira de Política Social e Igualdade tamén gabou o labor medioambiental que realizan os bancos de alimentos, especialmente na loita contra o desperdicio alimentario, beneficiando tanto á sociedade como ao medio ambiente. Nesta liña, subliñou o triplo impacto ambiental, económico e social dos bancos de alimentos e o seu traballo "a prol da conciencia social e ambiental, con accións que inspiran e educan".
