Rueda felicita a Oliver Laxe e celebra o bo momento do audiovisual galego
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Santiago de Compostela, 27 de maio de 2025
O presidente da Xunta, Alfonso Rueda, acompañado polo conselleiro de Cultura, Lingua e Xuventude, José López Campos, recibiu esta mañá en Monte Pío ao recente premiado no Festival de Cannes, Oliver Laxe. O director, guionista e actor galego recibiu este sábado pola súa película Sirat o Premio do Xurado, o terceiro premio máis prestixioso deste festival de cinema.
No encontro, o presidente lle trasladou os seus parabéns ao cineasta galego, e destacou que os recoñecementos ao seu traballo son algo digno de celebrar para calquera galego. Neste sentido, definiuno como "un gran embaixador da nosa terra" e a mellor representación da marca Galicia Calidade. Ademais, o presidente celebrou o bo momento do audiovisual galego, e reiterou o apoio do seu Goberno ao sector.
Oliver Laxe, de corenta e tres anos, ten unha traxectoria cinematográfica chea de éxitos, con catro longametraxes que sempre foron premiadas en Cannes. Durante toda a súa carreira contou co apoio do Goberno galego, a través de axudas para o desenvolvemento do talento audiovisual galego.
