Galicia abstense na conferencia sectorial de igualdade antes o risco de perder os fondos do Plan Corresponsables, que o Ministerio recorta en case 50 M€
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A Xunta pide ao Executivo central que explique a que destinará o recorte de case 50 millóns de euros neste plan
- A nosa comunidade deixa de recibir máis de 2,3 millóns de euros este ano para financiar servizos e actividades de conciliación e corresponsabilidade, como campamentos, servizos de comedor ou de madrugadores
Estas imágenes pertenecen a Página Oficial de la Xunta de Galicia
Santiago de Compostela, 23 de maio de 2025
Galicia, xunto con outras quince Comunidades Autónomas, abstívose ante o recorte de case 50 millóns de euros do orzamento do Plan Corresponsables aprobado xa no Consello de Ministros deste semana e que hoxe se levou á Conferencia Sectorial de Igualdade. A directora xeral de Promoción da Igualdade, María Quintiana, que representou á Xunta neste foro, xustificou a abstención nun exercicio de responsabilidade e ante o risco de perder todos os fondos.
María Quintiana sinalou que "estamos ante un recorte de fondos en materia de igualdade e conciliación" e apuntou que a mellor maneira de poñer en valor e agradecer o traballo nos últimos anos das Comunidades Autónomas na implantación do Plan, como se fixo durante a Conferencia Sectorial da Igualdade, "é que tamén exista unha corresponsabilidade na toma de decisións", máis aínda nunha tan transcendental coma esta. Así mesmo, pediu ao Goberno central que explique as razóns desta diminución de fondos porque "as galegas e galegos merecen saber a que van destinados os case 50 millóns de euros que se retiran da partida do Plan Corresponsables".
A directora xeral lamentou a decisión de baixar de 190 millóns de euros a 142,5 os fondos que o Plan Corresponsables destina ás comunidades supón para Galicia perder 2,3 millóns de euros. Así, en lugar dos 9,3 millóns de euros cos que se contaba inicialmente só se recibirán 6,9%, é dicir, un 25% menos que a Xunta terá que asumir con fondos propios.
Compromisos orzamentarios
Ademais, María Quintiana criticou que este recorte se realice a metade do ano, cos orzamentos xa comprometidos e coas ordes de axuda a punto de resolverse e publicarse. Con estes fondos a Xunta sufraga accións de conciliación durante todo o ano, entre outros: campamentos, servizos de madrugadores ou de comedor, así como iniciativas de sensibilización en materia de corresponsabilidade.
O ano pasado, máis de 30.000 nenas e nenos e as súas familias beneficiáronse do Plan Corresponsables e, a través del, achegáronse recursos a 170 concellos, 60 ANPAS e unha vintena de entidades sociais, uns números que este ano Galicia ten previsto incrementar.
Este recorte súmase a outros do Executivo central, como son: o financiamento insuficiente da dependencia, o feito de que non colabore na gratuidade da atención educativa de 0 a 3 anos a pesar de ser un compromiso electoral ou na atención a persoas con ELA, cunha lei en vigor que non está dotada de fondos.
