Enredando Tour inicia a súa terceira edición para achegar aos maiores, especialmente do rural, as vantaxes da tecnoloxía con seguridade
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O conselleiro de Facenda e Administración Pública inaugurou en Silleda esta nova edición que levará a cabo a Cruz Vermella, en colaboración coa Amtega
- Esta edición percorrerá durante os meses de verán, en horario de 10.00 a 14.00 horas, 20 localidades das catro provincias galegas
- Os veciños poderán acceder a contidos formativos sobre o uso da tecnoloxía na vida cotiá, achegarse a aplicacións que empregan IA e participar en sesións dedicadas de maneira específica á banca dixital e á ciberseguridade
- Como novidade, están programados tamén obradoiros para mellorar a capacitación dixital en persoas que estean á procura ou mellora de emprego
Silleda (Pontevedra), 23 de maio de 2025
O conselleiro de Facenda e Administración Pública, Miguel Corgos, destacou hoxe a posta en marcha da terceira edición de Enredando Tour para achegar aos maiores, especialmente do rural, as vantaxes da tecnoloxía con seguridade.
Durante a inauguración desta nova edición, Miguel Corgos destacou que persoal especializado e voluntariado de Cruz Vermella, en colaboración coa Axencia para a Modernización Tecnolóxica de Galicia (Amtega), será o encargado de impartir os obradoiros, durante os meses de verán e en horario de 10.00 a 14.00 horas.
Así, nesta edición Enredando Tour percorrerá 20 localidades das catro provincias galegas, comezando por Silleda e achegándose, posteriormente, a Forcarei, Ponte Caldelas, Ribadumia, O Rosal, Barbadás, Ourense, A Rúa, Celanova, Carballiño, Cabana de Bergantiños, Tordoia, Trazo, Frades, Boiro, Vilalba, Guntín, Mondoñedo, Ribadeo e Foz.
Intelixencia artificial, ciberseguridade e banca electrónica
Os veciños destas localidades poderán acceder a contidos formativos sobre o uso da tecnoloxía na vida cotiá, ademais de achegarse a aplicacións que empregan intelixencia artificial e a conceptos como a realidade inmersiva.
Así mesmo, nestas sesións terán a oportunidade de participar en sesións dedicadas de maneira específica á banca dixital e á ciberseguridade. "E, este ano, como novidade, están programados tamén obradoiros para mellorar a capacitación dixital en persoas que estean á procura ou mellora de emprego", engadiu o conselleiro, recordando que, ao longo das dúas primeiras edicións, preto de 50 persoas de Cruz Vermella, entre voluntarios e persoal técnico, percorreron máis de 3.000 quilómetros para levar a máis de 600 persoas de 42 concellos este proxecto.
"Queremos que toda a cidadanía poida desenvolverse con autonomía e confianza na contorna dixital, especialmente os colectivos con máis dificultades de acceso á tecnoloxía", dixo, facendo fincapé na importancia de iniciativas como Enredando Tour, que complementan o labor que, desde a Xunta, se impulsa a través da Rede CeMIT. Unha rede de aulas públicas na que se ofrece capacitación dixital gratuíta para todos os niveis, con especial atención aos colectivos máis vulnerables á fenda dixital.
Cómpre salientar que a actividade da Rede CeMIT contribuíu a que, só nos últimos catro anos, máis de 15.6000 persoas maiores de 65 anos se incorporasen ao uso da tecnoloxía en Galicia.
