Comezan as obras de ampliación da residencia de maiores de Boimorto, financiadas pola Xunta
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O Goberno galego destina 500.000 euros a esta actuación, que se enmarca no Plan de investimentos para fortalecer a rede municipal de centros de atención ás persoas maiores
Estas imágenes pertenecen a Página Oficial de la Xunta de Galicia
Boimorto (A Coruña), 9 de maio de 2025
A conselleira de Política Social e Igualdade, Fabiola García, visitou hoxe os traballos de ampliación da residencia de maiores de Boimorto, de titularidade municipal. A Xunta achega 500.000 euros de fondos europeos do Mecanismo de Recuperación, Transformación e Resiliencia (MRR) a estas obras, que teñen un custo total de 604.000 euros e en cuxo financiamento tamén participa a Deputación Provincial da Coruña e o propio Concello. Con este investimento, o centro residencial contará con 14 novas prazas.
Fabiola García, que estivo acompañado da alcaldesa, María Jesús Novo, destacou a aposta do Goberno galego por fortalecer a rede de centros para a atención ás persoas maiores que dependen das administracións locais.
A ampliación da residencia de Boimorto é unha das máis de vinte actuacións que sufraga o Goberno galego ao abeiro do novo Plan de investimentos para a construción, reforma ou ampliación de equipamentos sociais de titularidade municipal. Este Plan, dotado de 18,5 millóns de euros e acordado coa Federación Galega de Municipios e Provincias (Fegamp), inclúe residencias, centros de día, vivendas comunitarias e centros sociais
A través deste Plan, o Executivo autonómico dá un impulso histórico aos recursos para o coidado dos maiores que teñen os concellos máis pequenos e de carácter rural. Ademais, suporá a creación de 500 novas prazas públicas de residencias e outras 150 de atención diurna.
Ademais, a conselleira destacou que a colaboración coas Administracións locais cobra especial relevancia en momentos complicados, como o acontecido hai uns días tras o apagamento eléctrico rexistrado no país. Con respecto a isto, sinalou que durante este momento crítico o persoal da Consellería mantivo en todo momento a coordinación con este centro para garantir o benestar dos maiores, sen que se rexistrasen incidencias.
