A Xunta invita a establecementos hoteleiros e de restauración a sumarse ao Carné+65 ofrecendo vantaxes ás persoas maiores
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Fabiola García fixo entrega ao Hotel Boutique 1930 do distintivo que o acredita como adherido a este carné e grazas ao que ofrecerá un 10% de desconto
Arzúa (A Coruña), 9 de maio de 2025
A conselleira de Política Social e Igualdade, Fabiola García, visitou esta tarde un establecemento hoteleiro adherido ao Carné+65, unha iniciativa da Xunta para ofrecer facilidades aos maiores galegos que inclúe descontos e acceso a servizos culturais, de ocio ou sanitarios. No acto, fixo entrega a Adrián Varela, xerente do Hotel Boutique 1930, do distintivo deseñado pola Xunta para acreditar aos establecementos que se atopan adheridos a esta iniciativa.
O Carné+65, que é 100% gratuíto, abrangue 700 establecementos espallados por toda a xeografía galega, se ben a previsión é que esta cifra podería ampliarse ata os 1.000 ao longo deste ano. Nestes momentos, xa son máis de 600.000 persoas as que contan coa tarxeta e poden desfrutar dos beneficios incluídos.
Entre as posibilidades que ofrece o carné atópanse descontos directos de ata o 30%, beneficios especiais en numerosas actividades e vantaxes nunha ampla variedade de servizos e establecementos turísticos, comerciais e de ocio de Galicia. Neste caso en concreto, a conselleira destacou que o 1930 Hotel Boutique, que fará un 10% de desconto aos usuarios do carné, é un claro exemplo dun establecemento cultural e turístico ao situarse en pleno Camiño de Santiago.
Toda esta información está recollida na páxina web da iniciativa, na que os beneficiarios poden consultar toda a relación de establecementos onde poden desfrutar das vantaxes que lles ofrece o carné.
