Rueda destaca o valor educativo e patrimonial do Camiño de Santiago na recepción ao alumnado do CPR Plurilingüe Liceo La Paz
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Sinala a importancia da comunidade educativa como motor de transformación e exemplo de traballo en equipo
- Reivindica o valor do Camiño como unha escola de valores que ensina a esforzarse, a compartir e a coñecer máis a fondo a identidade compartida polo pobo galego
Santiago de Compostela, 25 de abril de 2025
O presidente da Xunta, Alfonso Rueda, recibiu esta mañá na praza da Quintana ao alumnado do CPR Plurilingüe Liceo La Paz, da Coruña, na súa chegada a Santiago de Compostela tras completar a última etapa dun dos itinerarios do Camiño de Santiago.
O titular do Goberno galego expresou a súa satisfacción polo fito do alumnado, eloxiando o seu espírito de superación, aprendizaxe e compromiso co patrimonio galego. Subliñou que a etapa era máis que un reto físico: tamén unha vivencia que fomenta o compañeirismo, a curiosidade, o respecto polo medio ambiente e a identidade cultural.
O presidente puxo en valor a vontade do centro e dos participantes de contribuír a manter viva unha tradición milenaria e, neste senso, fixo fincapé en que o Camiño é unha escola de valores, que ensina a esforzarse, a compartir e a coñecer máis a fondo a identidade compartida polo pobo galego. Tamén quixo salientar a importancia desta ruta de peregrinación que traspasa fronteiras e que "nos coloca en todo o mundo".
Rueda tamén recoñeceu o labor do profesorado do centro, a súa implicación e dedicación como parte da experiencia. Igualmente, agradeceu o apoio constante das familias nesta e noutras etapas de crecemento persoal.
O xefe do Executivo autonómico salientou a importancia da comunidade educativa como motor de transformación e exemplo de traballo en equipo, e reivindicou a colaboración entre escola, familias e administracións como alicerce dun modelo educativo baseado na calidade, o respecto e a identidade cultural. "Sodes a Galicia do futuro, esa Galicia Calidade que queremos facer entre todos", finalizou.
