Rueda aposta pola cooperación e a lealdade institucional para seguir construíndo "a Galicia Calidade que todos queremos"
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Salienta a unión de institucións públicas, arcebispado, grupos parlamentarios e sociedade civil que permite a posta en marcha da nova entidade
- Sinala que a fundación se converte no instrumento idóneo para "materializar a elevada responsabilidade que se nos encomenda" e aposta por recuperar un espazo "de enorme carga simbólica que representa a todos os galegos e a todas as galegas"
Estas imágenes pertenecen a Página Oficial de la Xunta de Galicia
Santiago de Compostela, 12 de abril de 2025
O presidente da Xunta, Alfonso Rueda, apostou hoxe por seguir avanzando "no camiño da cooperación e a lealdade institucional", sinalando que "seguir construíndo esa Galicia Calidade que todos queremos significa seguir traballando unidos no fundamental, por encima das diferenzas".
Así o apuntou durante a súa intervención no acto de constitución da Fundación Panteón de Galegas e Galegos Ilustres, celebrado esta mañá en San Domingos de Bonaval. Rueda louvou a unión de institucións públicas —Xunta, Parlamento de Galicia e Concello de Santiago—; arcebispado, grupos parlamentarios, e sociedade civil que permite a posta en marcha desta entidade, facendo un especial agradecemento ao presidente do Parlamento de Galicia, Miguel Santalices.
O presidente autonómico Incidiu en que a nova fundación ten que ser "o instrumento idóneo para materializar a elevada responsabilidade que se nos encomenda", e apostou por recuperar un espazo "de enorme carga simbólica que representa a todos os galegos e a todas as galegas". Así, sinalou que o Panteón "ten que ser o símbolo de toda Galicia, coas súas diferentes ideoloxías, coas súas diferentes aspiracións e plantexamentos, pero co obxectivo común de identificar a nosa identidade como pobo".
O responsable do Goberno galego referiuse a Rosalía de Castro, Alfredo Brañas, Francisco Asorey, Ramón Cabanillas, Domingo Fontán e Alfonso Daniel Rodríguez Castelao, e subliñou que "nas figuras que aquí están honradas converxen os mellores sentimentos do noso pobo, sempre guiados por ese galequismo integrador" que, tal e como apuntou o presidente, "alenta e inspira, debería facelo, o labor cotián de todas as institucións que hoxe asinamos este documento".
Tal e como lembrou Rueda, a Fundación Panteón de Galegas e Galegos Ilustres é unha entidade pública adscrita ao Parlamento de Galicia. Xorde ao abeiro da Lei do Panteón de Galegas e Galegos Ilustres, aprobada por unanimidade en xullo de 2023, logo da proposta canalizada polo Consello da Cultura Galega para dotar de seguridade xurídica ao Panteón e da que foron partícipes diferentes entidades representativas da sociedade civil da Comunidade Autónoma.
