A Xunta destaca a relevancia internacional da muller na cultura galega a través da exposición ´Cantantes Líricas Galegas´
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O secretario xeral da Emigración da Xunta de Galicia participou en Lisboa na inauguración da exposición Cantantes Líricas Galegas dos Séculos XIX e XX: De Galicia aos teatros de Europa e América
- A Xunta impulsa esta iniciativa que pon en valor o papel das mulleres galegas na difusión da cultura lírica galega no exterior
- A mostra recupera a memoria artística de máis dunha vintena de mulleres que triunfaron en Europa e América
Estas imágenes pertenecen a Página Oficial de la Xunta de Galicia
Lisboa, 10 de abril de 2025
O secretario xeral da Emigración, Antonio Rodríguez Miranda, participou hoxe en Lisboa na inauguración da exposición Cantantes Líricas Galegas dos Séculos XIX e XX: De Galicia aos teatros de Europa e América, organizada no marco do Colóquio Internacional Cruzamentos Galiza-Portugal. Esta mostra resalta o legado e traxectoria de 21 mulleres galegas que levaron a súa voz a escenarios internacionais, destacando especialmente en xéneros como a ópera e a zarzuela.
Durante o acto inaugural, o secretario xeral destacou o valor destas artistas como "embaixadoras excepcionais da cultura galega, pioneiras que abriron camiño e derrubaron fronteiras con talento e esforzo". Subliñou, ademais, que iniciativas como esta contribúen decisivamente "á recuperación e posta en valor da memoria histórica das mulleres galegas, destacando a súa achega á proxección internacional de Galicia".
A exposición, que inclúe retratos, paneis informativos e documentación inédita, percorre as biografías destas mulleres que levaron o nome de Galicia a cidades como Lisboa, París, San Petersburgo ou Bos Aires, deixando un legado artístico e cultural que merece ser recoñecido e difundido.
Neste contexto, a Xunta salientou tamén o vínculo deste proxecto coa Estratexia Galicia Retorna, que busca facilitar o retorno do talento galego que se atopa no exterior. "O exemplo destas mulleres líricas demostra como a nosa diáspora é unha fonte inesgotable de talento e riqueza cultural que Galicia ten o compromiso de recuperar e apoiar", asegurou o secretario.
A mostra permanecerá aberta ao público no Centro Galego de Lisboa, complementada cun ciclo de conferencias e actividades culturais que afondarán aínda máis no legado destas destacadas artistas galegas.
