A Xunta sinala que máis de 6.000 familias monoparentais dispoñen xa do seu certificado oficial para acceder ás vantaxes
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Jacobo Rey sinala que a Lei de Impulso Demográfico blinda as vantaxes destas familias consideradas de especial consideración en ámbitos como o ensino e a conciliación
Estas imágenes pertenecen a Página Oficial de la Xunta de Galicia
O Carballiño (Ourense), 5 de abril de 2025
O director xeral de Familia, Infancia e Dinamización Demográfica, Jacobo Rey, inaugurou esta mañá a IV Xuntanza de Fagamos, que durante esta fin de semana reúne a un centenar de familias na Residencia de Tempo Libre do Carballiño. Alí, destacou que máis de 6.000 familias monoparentais dispoñen xa do certificado oficial da Xunta para acceder a diferentes vantaxes e beneficios.
Jacobo Rey sinalou que esta tipoloxía de familias teñen o recoñecemento de especial consideración en Galicia desde fai catorce anos, o que lles garante unha serie de vantaxes en ámbitos como o ensino ou a conciliación. Ao respecto, apuntou que Galicia blindou esta especial consideración e estas vantaxes no ano 2021 coa Lei de Impulso Demográfico, a primeira destas características aprobada en España. Tamén reiterou o compromiso da Xunta de Galicia para facilitar a conciliación a todas as familias galegas con medidas como a gratuidade das escolas infantís 0-3 ou o Bono Concilia Familia.
O programa deste encontro contempla charlas informativas sobre a situación das familias monoparentais na nosa Comunidade Autónoma. Ademais, inclúe a realización dun obradoiro sobre primeiros auxilios e prevención de accidentes, ademais de actividades para os máis pequenos.
