A Xunta salienta en 'Poio Mostra' a importancia das feiras como ferramenta de dinamización e visibilidade do comercio local
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Poio (Pontevedra), 4 de abril de 2025
O director xeral de Comercio e Consumo, Gabriel Alén, visitou esta tarde, acompañado polo alcalde de Poio, Ángel Moldes, a segunda edición da feira Poio Mostra —organizada polo municipio pontevedrés— na que participan mais de trinta negocios do concello e da comarca de diferentes sectores, como alimentación, moda, complementos, decoración ou xardinería. Ademais conta cunha exposición de vehículos de ocasión ubicada no exterior.
Na visita, Gabriel Alén destacou o papel destas feiras e o traballo dos comerciantes locais no labor de dinamización e pulo do comercio de proximidade, non só como unha canle idónea para incentivar as vendas e impulsar a atracción de novos clientes, senón tamén polo seu rol fundamental na vitalidade das localidades, atraendo visitantes e dinamizando a vida económica e social. A este respecto, lembrou que esta semana se presentou o novo Plan estratéxico do comercio de Galicia 2025-2030, dotado con máis de 320 millóns de euros para seguir impulsando este sector crucial.
