A Xunta financia con preto de 116.000 euros a creación do novo centro terapéutico para doentes de Alzhéimer en Viveiro
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director xeral de Maiores e Atención Sociosanitaria destacou que este novo servizo suporá unha mellora na calidade de vida das persoas afectadas e das súas familias
Estas imágenes pertenecen a Página Oficial de la Xunta de Galicia
Viveiro (Lugo), 29 de marzo de 2025
O director xeral de Maiores e Atención Sociosanitaria, Antón Acevedo, e a alcaldesa de Viveiro, María del Carmen Gueimunde, coñeceron as obras para a creación dun novo centro terapéutico para doentes de Alzhéimer de AFA e que conta cunha achega da Xunta de Galicia de preto de 116.000 euros a través da convocatoria de axudas do IRPF.
Durante a súa visita, o director xeral destacou que este novo servizo suporá unha mellora na calidade de vida das persoas con Alzhéimer e tamén das súas familias. Ao respecto, sinalou que no novo centro poderán optar a servizos de atención e coidado específicos por parte dos profesionais, que tamén asesorarán ás familias que conviven cos doentes.
Antón Acevedo, destacou a importante colaboración e apoio entre a Xunta de Galicia e as entidades sociais que traballan para mellorar as condicións de vida das persoas con demencias. Por iso mesmo, trasladou o compromiso do Executivo galego para seguir reforzando os recursos específicos para as persoas con Alzhéimer e patoloxías semellantes e tamén para a súa contorna.
Outras accións en Viveiro
Esta mesma semana, Antón Acevedo e a alcaldesa de Viveiro, María del Carmen Gueimunde, participaron nunha visita á residencia de maiores de Betania na que se están desenvolvendo unhas obras de mellora do semisoto e nas que a Xunta de Galicia investiu preto de 50.000 euros a través das axudas con cargo ao 0,7% do IRPF.
Neste sentido, o director xeral avanzou que as actuacións permitirán seguir avanzando na atención dos maiores e reforzando os recursos existentes, co obxectivo de ampliar e estender as iniciativas que se desenvolven neste centro.
