A Xunta enxalza en Madrid o talento e a innovación empresarial galega na entrega do XVIII Premio Victoriano Reinoso
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- José González recoñeceu o labor do presidente executivo de Redegal, Jorge Vázquez, premiado este ano, e destacou a contribución da empresa ourensá a situar a nosa Comunidade na vangarda dixital e tecnolóxica
- Ademais, destacou a contribución de Aegama fortalecendo os lazos de colaboración entre o tecido empresarial galego en Madrid e proxectando a imaxe de Galicia como unha terra de oportunidades e de futuro
- Reafirmou o compromiso da Xunta a prol do emprendemento, promovendo un ecosistema fértil onde agromen as ideas e se favoreza a innovación, o investimento e a internacionalización das nosas empresas
Madrid, 13 de xaneiro de 2025
O conselleiro de Emprego, Comercio e Emigración, José González, participou esta tarde na entrega do XVIII Premio Victoriano Reinoso, un galardón outorgado pola Asociación de Empresarios Gallegos de Madrid (Aegama) que recoñece cada ano a personalidades destacadas no ámbito empresarial da Comunidade e que nesta ocasión lle foi concedido ao presidente executivo da firma tecnolóxica Redegal, Jorge Vázquez.
Durante a súa intervención, José González destacou a importante contribución de Aegama —entidade presidida por Julio Lage— fortalecendo os lazos de colaboración entre o tecido empresarial galego en Madrid, e tamén contribuíndo a visibilizar o talento emprendedor que atesoura a Comunidade e proxectando a imaxe de Galicia como unha terra de oportunidades e de futuro. Nese senso, e referíndose ao premio outorgado hoxe, sinalou que Redegal é o exemplo da Galicia innovadora que medra e compite no mercado global, situando á nosa Comunidade na vangarda dixital e tecnolóxica pero sen perder de vista as súas raíces.
O conselleiro de Emprego reafirmou o firme compromiso da Xunta a prol do emprendemento, promovendo un ecosistema fértil onde agromen as ideas e se favoreza a innovación, o investimento e a internacionalización das nosas empresas como un dos piares do progreso de Galicia. Ademais, lembrou o apoio do Executivo galego ao labor que desenvolven as entidades galegas que traballan fóra da comunidade —como Aegama— indicando que son fundamentais na proxección das capacidades galegas e na creación de oportunidades de negocio fóra das nosas fronteiras.
