A Xunta inicia este mes de marzo nove cursos para mellorar as posibilidades laborais de persoas en risco de exclusión social
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Estas accións formativas céntranse en sectores puxantes en emprego, como a construción, a loxística, os servizos ou os coidados
Santiago de Compostela, 11 de marzo de 2025
A Xunta de Galicia, a través do Consorcio Galego de Servizos de Igualdade e Benestar, desenvolve ao longo deste mes de marzo nove cursos dirixidos a persoas en risco de exclusión social para mellorar as súas condicións para atopar un emprego. Estas accións formativas están cofinanciados pola Unión Europea no marco do Programa FSE+Galicia 2021-2027.
Este programa formativo ten un carácter ocupacional e está enfocado a actividades económicas puxantes en emprego e cun amplo abano de posibilidades laborais, como son a construción, a loxística e o sector servizos. Esta programación está realizada polos Equipos comarcais de inclusión sociolaboral do Consorcio, tendo en conta as necesidades do mercado laboral de cada comarca e as características das persoas cas que traballan estes equipos.
En concreto, a relación de cursos é o seu lugar de celebración é a seguinte: Atención sociosanitaria en domicilios en Ames, monitor de comedor escolar e acompañante de transporte escolar no centro penitenciario de Teixeiro, monitor de ocio e tempo libre en Lalín, operario de limpeza industrial en Carballo, dous cursos de operario de almacén en Monterroso e O Carballiño, operario de xardinería e fitosanitarios en Ferrol, electricidade básica en Chantada e enerxías renovables no centro penitenciario de A Lama.
