A Xunta pon en valor o papel da muller xorda na construción dunha sociedade máis igualitaria, xusta e inclusiva
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Begoña Abeijón sinalou que o Executivo galego destina 1M€ ao ano a través dun convenio nominativo e dun convenio específico de accesibilidade para que poidan estender a lingua de signos e poñer a disposición das persoas xordas os recursos necesarios
Estas imágenes pertenecen a Página Oficial de la Xunta de Galicia
Vigo, 8 de marzo de 2025
A directora xeral de Persoas con Discapacidade, Begoña Abeijón, participou esta mañá na apertura do XVII Encontro da muller xorda de Galicia, organizado pola Federación de Asociacións de Persoas Xordas de Galicia (FAXPG), co apoio da Xunta de Galicia, e que coincide coa conmemoración do 8M.
A Dirección Xeral de Persoas con Discapacidade mantén unha estreita colaboración coa FAXPG, á que destina cada ano 1 M€ a través dun convenio nominativo e dun convenio específico de accesibilidade para que estendan a lingua de signos por toda a comunidade e poñer a disposición das persoas xordas os recursos que precisen. Ademais, esta entidade benefíciase das axudas de iniciativa social do Executivo galego con cargo ao 0,7 % do IRPF e que na última convocatoria se traduciu en 700.000 euros de achegas.
Na súa intervención, a directora xeral subliñou a importancia de encontros deste tipo, que permiten visibilizar as inquedanzas e necesidades destas mulleres, así como construír espazos de intercambio e empoderamento.
