A Xunta insta ao Goberno central a incrementar o financiamento do servizo de axuda no fogar ante a imposición de novas obrigas aos concellos
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Fabiola García lembra que a reforma da lei de dependencia sobrecarga a axuda no domicilio sen incluír fondos adicionais e sen consensuar cos concellos nin coa Administración autonómica
Estas imágenes pertenecen a Página Oficial de la Xunta de Galicia
Santiago de Compostela, 3 de marzo de 2025
A conselleira de Política Social e Igualdade, Fabiola García, reuniuse esta tarde co presidente da Federación Galega de Municipios e Provincias (Fegamp), Alberto Varela, para avanzar nun acordo para a mellora do financiamento do Servizo de Axuda no Fogar (SAF).
A conselleira lembrou que actualmente a Xunta achega a este servizo de xestión municipal 12 euros/hora, o que supuxo un incremento do 24% con respecto á situación anterior. Este aumento foi posible grazas ao acordo acadado en 2021 coa Fegamp, en base ao que o financiamento por parte do Goberno galego pasou dos 9,7 euros/hora en 2020 aos 12 euros/hora que se abonan agora.
Para seguir avanzando, Fabiola García apostou polo diálogo entre as administracións e agradeceu a vontade e a implicación dos concellos na xestión dun servizo que conta con preto de 25.000 usuarios en Galicia e que definiu como "un dos piares" do sistema de atención á dependencia na comunidade galega.
Na súa intervención, lembrou que a Xunta ten incrementado a súa achega ao SAF nos últimos anos, destinando neste 2025 un total de 140M€. Neste sentido, incidiu en que a mellora do financiamento deste servizo "debe ser un obxectivo no que todas as Administracións sumen esforzos".
Por esta razón, instou ao Goberno central para que tamén se implique na mellora do financiamento deste servizo e da dependencia no seu conxunto. Sobre esta cuestión, lembrou que, por exemplo, a recente reforma da lei de dependencia "sobrecarga a axuda no domicilio sen incluír fondos adicionais e sen consensuar cos concellos nin coa Administración autonómica".
