A Xunta financia con máis de 182.000 euros 12 novos contratos en empresas de Ferrolterra a través das axudas do programa Primera Experiencia Profesional
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A delegada territorial de Ferrol, Martina Aneiros, visitou esta mañá a farmacia de Nuria Beceiro, unha das beneficiarias desta orde da Consellería de Emprego, Comercio e Emigración
- O Goberno galego sacará nas próximas semanas unha nova convocatoria dotada para 2025 de 6,3 M€
Estas imágenes pertenecen a Página Oficial de la Xunta de Galicia
Ferrol, 25 de febreiro de 2025
A Xunta de Galicia concedeu o pasado ano un total de 182.400 euros en axudas a cinco empresas da zona para a formalización de 12 novos contratos laborais a través do programa primeira experiencia profesional co que o Goberno galego incentiva a contratación de menores de 30 anos por parte de empresas, persoas traballadoras autónomas, sociedades civís e comunidades de bens.
Tal e como explicou Martina Aneiros, trátase dun programa mixto da Consellería de Emprego, Comercio e Emigración que contou cun orzamento de 4,2 M€ en 2024, que ademais de impulsar a contratación de mozas e mozos a tempo completo con apoios económicos, ofrece formación en competencias brandas, unha combinación de habilidades sociais e de comunicación, actitudes, intelixencia social e emocional moi demandadas polo mercado laboral.
Así, co propósito de atender as necesidades específicas de emprego no tramo de idade de menores de 30 anos, o programa artellouse en dúas liñas concretas de axuda: a primeira, para contratar mozas e mozos con titulación ou certificación profesional; e a segunda, para brindar unha oportunidade tamén a quen careza de cualificación profesional recoñecida.
Aneiros lembrou que a Xunta lanzará nas próximas semanas a convocatoria de 2025 dotada de 6,3 M€ de orzamento e incluída dentro da Estratexia Mocidade Activa coa que o Goberno galego pretende mellorar a situación vital das persoas mozas galegas, así como a súa empregabilidade a través de programas de fomento da contratación. A medida contará cun orzamento só por parte da Consellería de Emprego, Comercio e Emigración de 20 M€ e nela englobaranse todas as achegas encamiñadas ao impulso do emprego xuvenil entre as que tamén se sitúa o Galicia Emprega Mozos (3,5 M€) ou o programa Investigo (4,8 M€) para o fomento da contratación de investigadores e tecnólogos menores de 30 anos, persoal técnico e outros profesionais de I+D+i.
