A Xunta avalía novas vías de colaboración co concello de Xove para poñer en marcha futuras iniciativas de atención aos maiores e ás persoas con discapacidade
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Fabiola García sinalou que o Executivo Galego conta con 75 prazas de diferentes recursos públicos para a atención a maiores neste municipio
Estas imágenes pertenecen a Página Oficial de la Xunta de Galicia
Santiago de Compostela, 22 de febreiro de 2025
A conselleira de Política Social e Igualdade, Fabiola García, reuniuse co alcalde de Xove, José Demetrio Salgueiro, para avaliar novas vías de colaboración con este concello e poñer en marcha futuras iniciativas de atención a maiores e ás persoas con discapacidade.
Neste sentido, a conselleira de Política Social e Igualdade lembrou que a Xunta de Galicia financia 75 prazas públicas de atención a maiores en diferentes recursos. Así mesmo, indicou que o pasado ano se destinaron 50.000 euros para os bonos coidado no fogar neste municipio e que supoñen unha achega directa de 5.000 euros a aquelas persoas que prefiren ser coidadas nos seus fogares por unha persoa da súa contorna.
A conselleira tamén destacou que este municipio recibiu nos últimos anos unha achega de preto de 50.000 euros para mellorar a accesibilidade e seguridade dos accesos do centro cívico e do xardín municipal, co obxectivo de facilitar a súa entrada ás persoas con discapacidade. Ademais, o concello de Xove está agrupado na unidade de atención temperá da Mariña, que atende a nenos de ata seis anos e que recibiu no último ano unha axuda da Administración autonómica de 243.000 euros dentro do programa FSE Galicia 2021-2027.
Fabiola García tamén sinalou a importancia de impulsar novos programas de envellecemento activo e saudable para as persoas maiores, especialmente nos concellos máis rurais de Galicia. Así mesmo, indicou que a Xunta de Galicia segue traballando para garantir a mellor atención dos maiores e impulsar a autonomía das persoas con discapacidade.
