Fabiola García destaca que o novo plan posto en marcha pola Xunta permitiu en 40 días homologar o grao de discapacidade a máis de 6000 persoas
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O Executivo galego ofrecerá unha prestación automática a todas as persoas con dependencia recoñecida que non poidan acceder inmediatamente ao servizo da súa preferencia
Estas imágenes pertenecen a Página Oficial de la Xunta de Galicia
Santiago de Compostela, 12 de febreiro de 2025
A conselleira de Política Social e Igualdade, Fabiola García, destacou que o novo Plan de axilización e simplificación da dependencia e discapacidade permitiu en só 40 días homologar o grao de discapacidade a máis de 6000 persoas. Así o destacou esta tarde durante a resposta a unha pregunta oral no Parlamento.
A conselleira sinalou que o novo plan entrou en vigor no mes de xaneiro e xa se comezaron a ver os primeiros avances, ao tempo que indicou que o próximo obxectivo é o pago efectivo dunha axuda económica de xeito automático ás persoas dependentes cando non poidan desfrutar do servizo de atención público da súa preferencia de xeito inmediato, tal e como avanzou o presidente Rueda.
Fabiola García tamén fixo fincapé en que as novas medidas aprobadas contemplan tamén "unha vía preferente para as persoas maiores de 80 anos e doentes de ELA", así como un reforzo dos equipos de valoración e a creación, durante o mes de xaneiro, de catro xefaturas de Servizo de Discapacidade, unha por cada provincia. Deste xeito, recalcou que "actualmente hai máis de 100 persoas dedicadas en Galicia a facer valoracións" e engadiu que se trata "dunha cifra que aumentaremos segundo as necesidades".
A conselleira de Política Social e Igualdade tamén criticou a falta de compromiso do Goberno central coas persoas maiores e recalcou que mentres a Xunta traballa segue avanzando na atención á dependencia, o Executivo central continúa modificando a normativa sen consensualo, nin coas Comunidades Autónomas nin coas Administracións locais, e sen aportar a financiación necesaria para garantir os servizos.
Nesta liña, lembrou o compromiso da Xunta de Galicia coa atención á dependencia e que se manifesta, sinalou, a través dos orzamentos. Así, lembrou que en 2025 o Executivo galego destina máis de 700 millóns de euros a esta materia, un 11% máis que o ano anterior. Ademais, destacou que a nosa comunidade conta cun dos mellores ratios de atención, un 98,4% que se sitúa seis puntos por enriba da media nacional.
