A Xunta pon en valor as iniciativas impulsadas polos concellos destinadas á prevención da violencia de xénero
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director xeral de Loita contra a Violencia de Xénero destacou que a colaboración entre administracións é fundamental para lograr sociedades máis igualitarias
- Roberto Barba lembrou que está aberta a convocatoria de axudas para os concellos destinadas a consolidar os CIMS e desenvolver accións de prevención da violencia de xénero
Estas imágenes pertenecen a Página Oficial de la Xunta de Galicia
Alfoz (Lugo), 22 de xaneiro de 2025
O director xeral de Loita contra a Violencia de Xénero, Roberto Barba, visitou a exposición Á violencia de xénero dille non impulsada polo concello de Alfoz no marco do 25N. Durante o acto, puxo en valor as iniciativas impulsadas desde as corporacións municipais como eixos fundamentais na prevención e actuación fronte á violencia de xénero.
O director xeral destacou que na loita contra a violencia de xénero é fundamental a colaboración entre as diferentes administracións para acadar sociedades máis igualitarias. Neste sentido, destacou o intenso traballo que se desenvolve desde as institucións públicas para impulsar a igualdade de xénero real entre mulleres e homes e trasladou o compromiso da Xunta para seguir traballando na eliminación da violencia contra a muller.
Nesta liña, Roberto Barba lembrou que está aberta a convocatoria de axudas destinada a concellos para a consolidación dos Centros de Información á Muller e o pago do persoal, así como para desenvolver diferentes accións de promoción da igualdade e a prevención da violencia de xénero. Así mesmo, sinalou que o Executivo galego destina preto de seis millóns de euros para este fin.
