A Xunta informa a AJE Lugo de 21 liñas de axudas xa convocadas que suman 215 M€ para apoiar a actividade de pemes e autónomos
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O delegado territorial, Javier Arias, explica que a Consellería de Emprego, Comercio e Emigración unificou cinco liñas específicas para autónomos coa finalidade de axilizar a tramitación e avanzar na simplificación administrativa
- Na primeira quincena de xaneiro tamén se convocaron a maior parte dos programas xestionados polo Igape, para facilitar que o tecido empresarial coñeza con antelación os apoios públicos dos que vai dispoñer
Estas imágenes pertenecen a Página Oficial de la Xunta de Galicia
Lugo, 20 de xaneiro 2025
O delegado territorial da Xunta, Javier Arias, reuniuse hoxe co presidente da Asociación de Jóvenes Empresarios (AJE) de Lugo, José Luis Celeiro, para informalo sobre as axudas para autónomos e pemes publicadas nos últimos días no Diario Oficial de Galicia (DOG).
Segundo explicou o delegado, no que vai de xaneiro convocáronse 21 programas de dúas Consellerías que suman preto de 215 M€ para apoiar a actividade dos autónomos e das pequenas e medianas empresas galegas.
Por unha banda, a Consellería de Emprego, Comercio e Emigración publicou o pasado venres no DOG unha orde por valor total de 40,7 M€ que unifica cinco liñas específicas para o colectivo de autónomos coa finalidade de axilizar a tramitación e avanzar na simplificación administrativa.
Nesa convocatoria inclúense os incentivos para o inicio da actividade —programa de promoción do emprego autónomo e da cota cero -; o Bono Autónomo, para consolidar un negocio e mellorar a súa competitividade; o Bono Remuda, para fomentar o relevo xeracional; os apoios á conciliación e o Bono Nova Oportunidade, para aquelas persoas que cesaron na actividade e van volver a emprender. A maiores, o venres tamén saíu publicada unha orde da mesma Consellería que destina 1,35 M€ a favorecer a contratación indefinida por parte dos autónomos. As axudas incluídas nestas seis liñas poderán solicitarse a partir do próximo venres, 24 de xaneiro.
Programas xestionados polo Igape
Pola súa banda, a Consellería de Economía e Industria publicou por primeira vez na primeira quincena da xaneiro a maior parte das axudas do Instituto Galego de Promoción Económica (Igape) para pemes e autónomos, co obxectivo de facilitarlles que poidan planificar con antelación as súas necesidades de financiamento e coñecer os apoios públicos dos que van dispoñer.
Arias explicou que son en total 15 liñas de axudas que suman 172,6 M€, que saíron publicadas nos DOGs dos días 13 e 14 de xaneiro e que poden solicitarse a partir de mañá, nalgúns casos, e nos restantes a partir do mércores. O obxectivo é promover a competitividade, a innovación e o financiamento das pemes e autónomos.
As liñas xestionadas polo Igape divídense en tres bloques. Por un lado están as relativas ao financiamento, que engloban as de acceso ao crédito, os préstamos directos; os préstamos para grandes empresas e as novacións das débedas co Igape.
No bloque de competitividade, destacan polo seu importe as axudas para a atracción de empresas; os apoios a startups; os de obradoiros multidisciplinares para pemes; os destinados a equipamento e investimentos xerais; os de transformación dixital; os apoios aos clústeres; o programa ReAcciona para capacitar ás pemes ante os novos retos do mercado; e a liña para os provedores da automoción.
Por último, foméntase a innovación con varias medidas de apoio, entre elas a liña para a implantación da Intelixencia Artificial, que sae por primeira vez.
