A Fundación Pública de Formación para o Traballo presenta en Pontevedra as actividades que desenvolverá no 2025
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Estas imágenes pertenecen a Página Oficial de la Xunta de Galicia
Pontevedra, 17 de decembro de 2024
A Fundación Pública de Formación para o Traballo presentou hoxe en Pontevedra as actividades e proxectos que ten previsto desenvolver no 2025 ante representantes de distintas entidades, empresas e organismos relacionados co tecido empresarial así como de centros de formación e alumnado de cursos impartidos desde a Fundación Pública de Formación para o Traballo. Con este acto, no que participou a xerente da entidade, Rosanna López Salgueiro, e o delegado territorial da Xunta en Pontevedra, Agustín Reguera, complétanse as presentacións realizadas nas catro provincias galegas.
Na Fundación participan a Xunta, a Confederación de Empresarios de Galicia e os sindicatos CCOO, UXT e CIG. A súa función céntrase na formación dos traballadores e traballadoras ao longo de toda a súa vida laboral, mellorando a súa capacitación profesional e promoción persoal. Deste xeito, promoven a análise e mellora continuada das políticas de formación e facilitan asesoramento técnico para o seu desenvolvemento. Contan cunha web na que ofrecen información e recursos útiles para a mellora da empregabilidade.
