A Xunta enxalza as actividades educativas que promoven e fomentan as relacións interpersoais entre maiores e cativos
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director xeral de Maiores e Atención Sociosanitaria, Antón Acevedo, participou nas actividades interxeracionais que se desenvolven na residencia pública Volta do Castro
Estas imágenes pertenecen a Página Oficial de la Xunta de Galicia
Santiago de Compostela, 16 de decembro de 2024
O director xeral de Maiores e Atención Sociosanitaria, Antón Acevedo, participou nas actividades que desenvolven alumnos do Centro Divino Maestro cos maiores da residencia Volta do Castro da Xunta de Galicia. Durante o encontro, destacou a importancia destas iniciativas para fomentar as relacións interpersoais entre as persoas da terceira idade e os máis novos.
Antón Acevedo destacou que estas iniciativas son claves no día a día dos maiores, xa que contribúen a traballar a memoria e promoven un envellecemento activo e saudable. Así mesmo, sinalou que as visitas dos cativos teñen un efecto moi positivo nos usuarios dos centros porque lles permite interactuar con eles e realizar actividades de ocio diferentes.
Nesta liña, o director xeral tamén fixo fincapé na importancia que estas iniciativas teñen nos máis novos, permitíndolle falar e socializar cos maiores. Deste xeito, promóvese un espazo aberto onde os nenos e nenas tamén poidan aprender dos maiores novos coñecementos e valores como a escoita, ao tempo que asentan as bases para crear boas relacións interpersoais.
