A Xunta apoia con máis de 5 millóns de euros 371 iniciativas empresariais lideradas por mulleres que supoñen 837 empregos femininos
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O Diario Oficial de Galicia (DOG) publica hoxe a resolución dos apoios desta iniciativa da Xunta coa que se conceden entre 8.000 e 27.000 euros por beneficiaria en función da liña que se solicite e do número de postos de traballo creados ou mantidos de carácter indefinido para mulleres
- Desde 2009 a Xunta leva destinados máis de 28 millóns a esta iniciativa, coa que se concederon máis de 2.000 axudas para apoiar proxectos empresariais e permitiu a creación e consolidación de máis de 4.000 postos de traballo feminino
Estas imágenes pertenecen a Página Oficial de la Xunta de Galicia
Santiago de Compostela, 4 de decembro de 2024
Hoxe o Diario Oficial de Galicia (DOG) publica as resolucións das axudas EMEGA ao emprendemento feminino. En total benefícianse destas achegas unhas 371 iniciativas empresariais lideradas por mulleres e que supoñen a xeración e consolidación de 837 empregos femininos.
O programa comprende axudas dirixidas a apoiar a posta en marcha, a mellora e a activación de iniciativas empresariais constituídas por mulleres. Tamén medidas complementarias para favorecer a conciliación da vida persoal, familiar e laboral, así como o acceso a servizos específicos de información, asesoramento e orientación empresarial co obxecto de facilitar a implantación e consolidación dos proxectos.
Este programa está integrado con catro liñas: Emprende, con incentivos para a posta en marcha de novas empresas por parte de mulleres desempregadas e a creación de emprego estable por conta propia e allea; Activa, para favorecer a reactivación e consolidación e mellora de proxectos empresariais; ITEF, que pon o foco no apoio a iniciativas empresariais con carácter innovador, con contido científico ou de base tecnolóxica; e a liña Concilia, complementaria das tres anteriores, para axudar tanto ás mulleres promotoras como as traballadoras ao seu cargo na súa conciliación.
A contía dos apoios vai dos 8.000 euros por beneficiaria aos 27.000 en función da liña solicitada e do número de postos de traballo creados ou mantidos para mulleres de carácter indefinido. A estas contías engadiríase, de ser o caso, a axuda complementaria da liña Concilia, que oscila entre os 3.000 e os 5.000 euros.
Para resultar beneficiarias desta iniciativa, as mulleres emprendedoras deben liderar unha microempresa ou pequena empresa validamente constituída e domiciliada en Galicia. Entre outros requisitos, deben manter vinculación laboral co proxecto que, á súa vez, ten que ser viable económica, técnica e financeiramente.
Esta iniciativa desenvólvese en Galicia desde hai 27 anos. Coa convocatoria deste ano, desde 2009, o Goberno galego leva investidos máis de 28 millóns de euros no programa, permitindo a concesión de máis de 2.000 axudas para apoiar proxectos empresariais femininos que permitiron crear e consolidar máis de 4.000 postos de traballo.
Os datos desagregados das concesións derivadas do Programa Emega 2024 son os seguintes:
| Emega 2023 | |||
| Provincia | Emprendedoras beneficiarias | Importe total | Nº empregos consolidados |
| A Coruña | 162 | 2.159.000€ | 350 |
| Lugo | 47 | 614.000€ | 96 |
| Ourense | 33 | 423.000€ | 58 |
| Pontevedra | 129 | 1.813.000€ | 333 |
| Galicia | 371 | 5.009.000€ | 837 |
