A Memoria Dixital de Galicia introduce tecnoloxías intelixentes para a xestión do patrimonio cultural
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O director da Axencia para a Modernización Tecnolóxica de Galicia presentou en Culturgal o modelo de Galiciana Semántica, que xa permitiu a posta en marcha dun portal sobre a revista Nós
- Os novos sistemas melloran a experiencia das persoas usuarias en buscas e consultas ao relacionar os datos mediante grafos de coñecemento e empregar tecnoloxías de asistentes virtuais ou procesamento e comprensión de linguaxe natural
Estas imágenes pertenecen a Página Oficial de la Xunta de Galicia
Pontevedra, 29 de novembro de 2024
A Memoria Dixital de Galicia está a ser enriquecida con novas utilidades a partir do uso de tecnoloxías intelixentes en proxectos como Galiciana Semántica, segundo destacou hoxe en Culturgal o director da Axencia para a Modernización Tecnolóxica de Galicia, Julián Cerviño Iglesia.
Nunha intervención titulada Tecnoloxías intelixentes para a xestión do patrimonio cultural, Cerviño fixo un repaso a todos os contidos da Memoria Dixital de Galicia, entre os que se atopan os sistemas de xestión de arquivos e bibliotecas, o sistema de xestión e difusión dos fondos dos museos, a biblioteca dixital Galiciana, os sistemas para a difusión e coñecemento da lingua, a plataforma colaborativa de topónimos Galicia Nomeada ou o sistema de catalogación dos bens patrimoniais.
O director da Axencia presentou o portal da revista Nós como exemplo do novo modelo de Galiciana Semántica, que emprega tecnoloxías intelixentes para mellorar a experiencia das persoas usuarias en buscas e consultas. Galiciana Semántica emprega ontoloxía e grafos de coñecemento que unifican a información distribuída e representada de xeito heteroxéneo en distintas bases de datos. Deste xeito, as persoas poden facer as consultas dun xeito persoal e expresivo nun sistema interpretable e interoperable por parte das máquinas. A información está enlazada e enriquecida con terceiras fontes, e o modelo é sustentable e extensible no tempo. Ao mesmo tempo, empregará tecnoloxías de intelixencia artificial en asistentes intelixentes, procesamento de linguaxe natural (PLN) ou comprensión da linguaxe natural (NLU).
Galiciana Semántica contará con espazo web de referencia e con espazos temáticos, como o que xa está en marcha cos contidos da revista Nós.
