A Xunta patrocina o concerto que ofrecerá Marina Reche este venres en Lugo
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O delegado territorial, Javier Arias, explica que se enmarca no ciclo de colaboracións co Círculo das Artes para traer recoñecidos artistas á cidade
Lugo, 27 de novembro de 2024
A Xunta de Galicia patrocina o concerto que ofrecerá Marina Reche este venres, 29 de novembro, no Círculo das Artes de Lugo. Será a partir das 21,00 horas.
O delegado territorial, Javier Arias, reuniuse hoxe co presidente da sociedade recreativa, Miguel Caraduje, e con Eduardo Núñez, da empresa de dinamización cultural La Liebre, e lembrou que a actuación se enmarca nun acordo de colaboración polo que o Goberno galego programa unha serie de eventos culturais na sede da sociedade recreativa. A artista neoiorquina Sophie Auster abriu o ciclo de concertos o pasado 31 de outubro.
Marina Reche chega á capital lucense dentro da súa primeira xira nacional, Lo he intentado, na que percorreu os escenarios dalgunhas das principais cidades españolas cun rotundo éxito de vendas. Para o concerto de Lugo xa se pechou a venta de entradas a través da web pero, por reaxustes no aforo, poderase adquirir medio cento máis na propia entrada do concerto.
A artista orixinaria de Elche presentará ao público o seu novo álbum xunto con outros temas do seu repertorio e adiantos do seu novo proxecto, Oscuridad. Ao día seguinte, o sábado 30, actuará en Santiago de Compostela. Nos vindeiros meses continuará a súa xira por España e tamén ten comprometida a súa participación no festival Lollapalooza 2025 en Chile e Arxentina.
