A Xunta participa no Encontro de Familias do Movemento Down para compartir experiencias sobre o día a día das persoas con discapacidade
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- A directora xeral de Persoas con Discapacidade participou na xornada organizada por varias entidades Down
- Begoña Abeijón tamén asistiu á inauguración dos 29º Xogos Autonómicos de Fútbol Sala de Special Olympics Galicia
Vigo, 9 de novembro de 2024
A directora xeral de Persoas con Discapacidade, Begoña Abeijón, asistiu esta mañá ao Encontro de familias do Movemento Down en Galicia. Trátase dunha xornada na que achegados e profesionais comparten experiencias sobre o día a día das persoas con discapacidade e propoñen iniciativas para mellorar a súa integración social.
Durante o encontro, os asistentes gozaron de diferentes actividades lúdicas, conferencias e debates. Begoña Abeijón participou cos profesionais e familiares no intercambio de experiencias e coñecementos sobre o Síndrome de Down. Neste senso, a directora xeral destacou que esta xornada supón tamén un punto de socialización para as persoas con discapacidade e os membros da súa contorna.
Así mesmo, Abeijón reiterou o compromiso do Executivo galego con todas as entidades que traballan día a día para mellorar a calidade de vida das persoas afectadas. Así, lembrou que realizan un labor fundamental na promoción da integración e inclusión social das persoas con discapacidade en todos os ámbitos.
Inauguración dos 29º Xogos autonómicos fútbol sala de Special Olympics Galicia
A directora xeral de Persoas con Discapacidade asistiu á inauguración dos 29º Xogos autonómicos de fútbol sala- Trofeo Carlos Outeiriño da asociación Special Olympics Galicia. O encontro dispútase no complexo deportivo As Travesas, en Vigo e participan máis de 180 deportistas dunha ducia de asociacións de toda a comunidade.
Begoña Abeijón destacou o constante esforzo dos participantes que unha vez máis amosaron as súas habilidades nos distintos partidos. Así mesmo, a directora xeral fixo fincapé na importancia do deporte como unha forma de inclusión das persoas con discapacidade. Deste xeito, foméntase a súa autonomía e mellora da calidade de vida.
