A Xunta pon en valor o papel do polo de emprendemento de Ferrol na vertebración do territorio e da xeración de oportunidades na comarca
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
Estas imágenes pertenecen a Página Oficial de la Xunta de Galicia
Ferrol, 29 de outubro de 2024
O secretario xeral de Emprego e Relacións Laborais, Pablo Fernández, acompañado pola delegada territorial da Xunta en Ferrol, Martina Aneiros, participou esta mañá no Encontro de impulso local para o desenvolvemento do emprego en Ferrolterra, promovido pola Xunta no marco da Rede de polos de emprendemento. Alí, puxeron de relevo que a Rede leva atendido máis de 2.600 proxectos nos seus 14 centros activos mediante máis de 7.000 titorías, entre eles o de Ferrol, que leva asesorado máis de 370 iniciativas empresariais a prol do crecemento económico da bisbarra.
A través de distintos obradoiros e relatorios, o obxectivo da xornada de hoxe é explorar novas liñas de traballo para dinamizar os territorios desde o esforzo conxunto de empresas, persoas emprendedoras, institucións, economía social, teceiro sector e sociedade xeral para seguir xerando riqueza, especialmente nas contornas non urbanas, e facendo prosperar o tecido produtivo.
