A Xunta destaca o apoio para promover o cooperativismo e fomentar a presenza da economía social no tecido emprendendor
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- O secretario xeral da Emprego e Relacións Laborais, Pablo Fernández, puxo en valor o papel da Rede Eusumo, así como a nova Estratexia de economía social, no 1º Congreso de Economía Social e Solidaria en Galicia
Estas imágenes pertenecen a Página Oficial de la Xunta de Galicia
Santiago de Compostela, 24 de outubro de 2024
O secretario xeral de Emprego e Relacións Laborais, Pablo Fernández, participou esta tarde na mesa de benvida do 1º Congreso de Economía Social e Solidaria en Galicia, impulsado por REAS Galicia, celebrado no Museo do Pobo Galego co apoio da Rede Eusumo.
Alí, puxo en valor as diferentes medidas que impulsa o Goberno galego orientadas a fomentar o cooperativismo e a economía social, co obxectivo de que sigan sendo modelos de éxito de emprendemento en Galicia. Neste contexto, mencionou os programas de apoio económico, de asesoramento e acompañamento, de formación e a realización de actividades divulgativas que desenvolve a Xunta a través da Rede Eusumo, que presta apoio directo á creación e consolidación de emprego con base na economía social asesorando a persoas e entidades interesadas en emprender neste ámbito.
Tamén fixo referencia á 2ª Estratexia galega da economía social Horizonte 2027, coa que o Executivo autonómico persegue posicionar esta fórmula empresarial nos sectores verde, sustentable, industrial, tecnolóxico e dixital, así como xerar 4.000 empregos e crear 400 novas entidades.
