O secretario xeral da Emigración destaca en Newark o papel das comunidades galegas como embaixadoras culturais nos Estados Unidos
Resumen autogenerado por OpenAI
Audios generados (reproducción automática)
Los audios se reproducen de forma automática uno detrás de otro. Haz clic en el icono para descargar el audio o aumentar/disminuir la velocidad de reproducción.
Debido al tamaño del artículo, la generación del audio puede tardar unos segundos y es posible que se generen varios audios para un mismo artículo.
- Antonio Rodríguez Miranda tamén mantivo un encontro coa directiva do Centro Ourensán de Newark, co obxectivo de analizar os proxectos de futuro e as necesidades da entidade
Estas imágenes pertenecen a Página Oficial de la Xunta de Galicia
Newark (Nova Jersey), 12 de outubro de 2024
O secretario xeral da Emigración, Antonio Rodríguez Miranda, participou no acto de exaltación da bandeira que se celebrou en Newark, no estado de Nova Jersey, como parte dos eventos organizados para honrar a cultura hispana e, en particular, a presenza galega na cidade. Este acto, no que se izou as bandeiras de España e dos Estados Unidos, simboliza o recoñecemento da contribución galega á vida social e cultural de Newark.
Durante a súa intervención, Miranda destacou o forte vínculo entre Galicia e os galegos residentes en Nova Jersey, subliñando o papel que as comunidades galegas desempeñan como embaixadoras da nosa cultura no exterior. Tamén puxo en valor a importancia deste tipo de eventos para manter viva a cultura galega nas novas xeracións e fortalecer a conexión coa terra natal.
O acto de exaltación da bandeira en Newark forma parte da axenda da viaxe de Miranda aos Estados Unidos, cuxo obxectivo é reforzar os lazos cos galegos do exterior e apoiar as iniciativas culturais e sociais que contribúen a difundir a cultura galega máis aló das nosas fronteiras.
O secretario xeral tamén mantivo un encontro coa directiva do Centro Ourensán de Newark, co obxectivo de analizar os proxectos de futuro e as necesidades da entidade, reafirmando o compromiso da Xunta de Galicia co apoio ás actividades que promove a galeguidade na diáspora.
